Ka yalang pynche paidbah wa i chah thngan wa 3 sngi u pynman ka CoHSO hajrong ka CAB

Jowai: Ka yalang yong ka CoHSO kawa da pynman ynne ka sngi hajrong ka aiñ Citizenship Amendment Bill (CAB) 2016 da chim ko ya ka rai wow pynman da ki yalang pynche paidbah ha waroh ki District Headquarter ka Ri-Loom Khasi Jaiñtia.

U President ka HYC u Robert June Kharjahrin uwa man leh u Chairman ka CoHSO da pyntip u wa ya ka yalang pynche paidbah u pynman ha Jowai ha ka 18 tarik uni u bnai, ha Khliehriat wa Umsning ha ka 21 tarik, ha Mawkyrwat wa Nongstoin ha ka 23 tarik wei da pyntip u leh wa daw saam ya ki kot lakdop wa ki video hajrong ka CAB cha ki paidbah.

Heijooh i por da pyntip u wa ka CoHSO daw pynman ko ya ka chah thngan wa le sngi ha ka 24, 25 wa 26 tarik uni u bnai.

Chooh chooh da pyntip u wa daw pynman ya ka yalang wa heh dooh yong ka bri u Ynñiawtrep chwa ka 31 tarik.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kyntu ka CoHSO ya kiwa kitkaam seiñ, ki chnong wa kiwi kiwi wow yawan cha kini ki yalang.

Hajrong ka mukutduma Suo Moto wa ujor ki pulut, da ong u wa e wa ki pulit u leh ki yei kaamram yong ki katwa ki (CoHSO) won u pteiñ ko wow yada ya ka jaitbru khian paaid ka jylla.