Jowai: Ka District Basin Development Unit, West Jaiñtia Hills, ka Bio Resources Development Centre (BRDC) wa ka State Council of Science, Technology and Environment (SCSTE) ynne ka sngi da pynman ki ya ka yalang ha pyrdi kiwa e dawai kynbat ka district wa ki wa e dawai Ayush hajrong ka phang wow yarap ki iwi ya iwi yow ye u e yei sumaar wa paka ya ki paidbah.
Ya kani ka yachem lang wa chi sngi da pynman ha District Library Auditorium, Jowai heiwa da emlang ki Doctor na ka North Eastern Institute of Ayurveda and Homeopathy (NEIAH) kiwa da ong wa kwah ki u krehlang wa ki wa edawai kynbat yow pynneh pynsah yei stat yong ki hadooh ki phlang, ki thied wa pynmih dawai wei wow e leh ya ka sikai ya ki wow pynbniah yei stat yong ki.
Neiliang u Ivan Reynold Marbaniang, Assistant District Project Manager, District Basin Development Unit Jowai da pyntip u leh wa sa iwi i thong kani ka yalang toh wow tipmit kamjooh wow pynkupburom ya kiwa e dawai kynbat kamjooh leh kiwa e dawai Ayush.
Discussion about this post