Ka yalap Election hapoh Meghalaya da man ko kawa sñiaw sarom: Ram Madhav

Shillong: U National General Secretary ka BJP u Ram Madhav ynne ka sngi da pynsñiaw u chaphang kani ka yalap Election hapoh ka jylla Meghalaya kawa da poi cha palat pood heiwa ym em de ka burom ka akor heiwa ka Party Congress da klam ko ki kyntien wa khlem akor.

Da ong u wa ka Congress neidaw wym ye ko u jubab yeiwa ym ye ko u wanrah ya ka roi ka paar wei joor ki kaam baam-tooh yong ka, da sdang noh ko wow wanrah da ka sñiaw yaphær jaitbru khlem pait ko ya wa ka Meghalaya ym toh kawa leh chilliang ya kawon kawon ka niam deiwa yabhah ya kiwa man Kristan wa kiwa ym em man Kristan.

Da ong u wa u MP ka Congress u Shashi Tharoor da leh u ya ini deiwa klam ki kyntien wa sñiaw sarom deiwa ong wa ka NPP toh kawa pynkhih tdong ksaw manda chang ka BJP wei ym bien u wow klam ya ki phang wa emkaam heiwa i bor synchaar hadooh ka spah da em ko ha ki kti ki kattu katni ngut donhi ki bru hapoh ka jylla Meghalaya.

Chooh chooh da ong u wa kiwa em i kitkhlieh ha ka synchaar ka khadaar toh u khana che ki yeiwa dadep leh ki wei yeini da chynna yei rukom pyllait Election Manifesto ka Congress ynne ka sngi heipor wa da kut ki sngi wow yalap Election neidaw wa tieñ ki ya em kiwa kylli ya ki phang kylli wa ym ye ki u jubab kam ki kular wa ym ye ko pynkrehkaam.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da ong u leh wa man i iwa sakhiat wa hapoh ka jylla Meghalaya ki kynthai im ki hei mynsien chong syir hanlada man ko ka jylla wa burom ya ki kynthai. Ym ye u pynbiang ya ka umdih wa khooid, ki skur wa biang, ki Hospital wow pait ya ki kynthai heipor wa pun khon kamjooh hadien wa kha khon wot hadooh ha ka Constituency u Montri Rangbah ka jylla.

Kani ka sorkar Congress leh ym ye ko u wanrah ya ka chongsuk heiwa ha chwa ka Election da mih biang ki kaam pyrchah ya ka imlang sahlang ki seiñ kieñ suloi iwa da pynthut ya ka kaam synchaar paidbah iwa pynyoo wa ym em chimkhia ya kani ka kaam wa kordor.

Da ong u leh wa ka BJP Meghalaya u pteiñ hi ko wow kylli ya i rukom synchaar ka Congress wei ka BJP ka thong yong ka hi toh wow wanrah ya ka synchaar paidbah kawa khooid ha kini ki khajiak bnai.