Jowai: Ka yalehke Tiger Five ynne da pynman ya ka Quater Final heiwa da yaleh hapyrdi ka Loomkyrwiang pyrchah ya ka Spartan FC, heiwa ha ka kylla step yong ka yalehke waroh arliang ym em u ye ki u thap ya ki kool yong ki.
Hawa sdang won ya ka kylla miet yong ka yalehke, ka Loomkyrwiang da yoh ko wow thap ya ka kool wa nyngkong ha ka minit wa 32 lyngba u Chanmitre Thma.
Neitæ won ha ka minit wa 45 uni u jooh u wa yalehke da ye biang u wow thap ya ka kool wa ar. Katwa neiliang yong ka Spartan da yoh ko wow su ya ka chi kool ha ka minit wa 58.
Hadooh wa kut i por kini ki kool da neh ki heiwa ka Loomkyrwiang da jop ko da 2-1.
Lyngba ini i jop, ka Loomkyrwiang da man ko ka dhab wa nyngkong ka wow psiah cha ka Semi Final.
Ka yalehke wa ar yong ka Quater Final mynstep u man ko ha pyrdi ka Dari & Da Oo pyrchah ya ka Real United.
Discussion about this post