Ka yalehke kawa khaddooh yong ka Tiger Five ynne ka sngi

Jowai: Ka yalehke wa khaddooh ha ka First Round wa nyngkong yong ka Tiger Five da man ko ynne ha pyrdi ka Para I FC pyrchah ya ka Emlang FC.

Ha ka kylla step yong ka yalehke ka Emlang FC da yoh ko u thap ya ka kool wa nyngkong lyngba u Lakhon Wapung ha ka minit wa 28, kani ka chi kool da neh ko hadooh wa kut ka kylla step.

Ha ka yalehke yong ka kylla miet ka Emlang FC da yoh biang ko wow ban ya ka kool wa ar yong ka ha ka minit wa 42 lyngba u Lakhon Wapung.

Hadien kini ki ar kool neiliang ki wa yalehke ka Para I FC da sai lut ki yei buit wei bor yong ki wow yoh u thap kool heiwa ha ka minit wa 48 da yoh ki u su ya ka chi kool lyngba u Meru Suchen, kamjooh da pynbood ya ka kool wa ar ha ka minit wa 54 lyngba u Moses Chyrmang, lyngba kini ki ar kool ka Para I FC da skem i yalehke ki heiwa ha ka minit ka wa 60+1 da yoh ki wow ban ya ka kool wa le lyngba u Deepak Chetri, kamjooh ya ka kool kawa soo na u Deepak Chetri da yoh biang u wow thap ya ka kool wa soo ha ka minit wa 60+2, kamtæ ka Para I FC da jop ko da 4-2 kool heiwa da yoh ko wow psiah cha ka Quarter Final.

Related posts

T20 Cricket Tournament: Jop ka Goodwill CC wa ka Laphet CC

February 9, 2026

Khut ka Tympang Club ya ki chynrang wa kynthai wow chimbynta ha ka Open To All Cross Country Race

February 9, 2026

Ka yalehke yong ka Quater Final u sdang ko nadooh mynstep heiwa ka Loomkyrwiang FC u yaleh pyrchah ko ya ka Spartan FC heipor 3:30 jan miet.