• About Us
  • Contact Us
  • Privacy Policy
  • Advertise With Us
  • Terms & Conditions
Monday, July 28, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Advertisement Advertisement Advertisement
Home Culture

Ka yasiat khnam pyllah yow kynmoo warom ya u Woh Kiang Nangbah

Wyrta Staff by Wyrta Staff
December 27, 2016
Reading Time: 3 mins read
A A
0
Share on FacebookShare on Twitter
ADVERTISEMENT

Jowai : Ka seiñ Kiang Nangbah Iasiat Khnam Memorial Society, Jowai (KNIKMSJ) wa ka Khynroo Khyllood Committee (KKC), Seiñraij Jowai ynne ka sngi da pynman ki ya ar tylli ki ya siat khnam pyllah ha Madiah Kmai Blai, Syntu Ksiar

Da pynman ya kini ki yakop kam ka dak kynmoo warom ya u Woh Kiang Nangbah uwa ka-it bha u siat khnam heipor yong oo wei da wan chimbynta ki paidbah na kiwa boon ki chnong napoh ka ri-loom Jaiñtia

Ya kani ka yakop da e laad ya waroh khynnah wa waheh wow yachim bynta wei da bynta ya ka ha ki ar tylli ki kyrdan iwa siat yong samen wa kawa yoh u ya jied lok yow pynman ya jar jair ka dhab.

Ha ka yakop da booh ya ka thong wa jngai 25 meter na kiwa siat wei uwi uwi uwa siat da yoh u u siat 5 tylli ki khnam. Uwa jop toh uwa tne boon sien ya ka thong.

Related posts

Da ki phaw hajar wa wan sakhi ya ka sngi pynkut ya ka Behdieñkhlam 2025 ka Raij Tuber

July 22, 2025

Wanrah ka Phang Wah ya u Bhang kam chibynta ka Behdieñkhlam Tuber

July 21, 2025

Ha ka siat khnam pyllah wa pynman da ka KNIKMSJ ha i yakop siat yong samen da jop u Saiñmiki Suwer wei da yoh wa ar da u Spi Passah. Uwa yoh nyngkong leh da yoh u ya ka song poisa T. 3000 katwa uwa yoh wa ar won da yoh u T. 1500.

Ha ka yakop yong ki dhab won da jop u Wyraiki Kharbuki wa u Sniriang Shullai kiwa da rah leh ya ka song poisa wa T. 4000. Da yoh wa ar won da ka dhab u Tohhioo Lamar wa u Justly Passah kiwa da yoh T. 2000.

Kiwa jop ya ka yakop wa pynman da ka KKC, u Marbeit Dkhar da rah u yei naam jop hei yasiat yong samen kamjooh ya ka song poisa T 2000, da yoh wa ar da u Bin Shylla wa ka song poisa wa T. 1000.

Ha ka yakop yong ki dhab won da jop u Lakhon Biam, Sajon Rymbai wa u Lamet Phawa, da yoh wa ar won da ka dhab yong u Rom Phawa, Norbert Phawa wa u R. Rymbai.

ShareTweetSendShare
Previous Post

Woh Kiang Nangbah

Next Post

Yoh ka Jowai ya ka thaw uiñke sawari wa thymme wei kawa kyrpang

Related Posts

Culture

Da ki phaw hajar wa wan sakhi ya ka sngi pynkut ya ka Behdieñkhlam 2025 ka Raij Tuber

July 22, 2025
Culture

Wanrah ka Phang Wah ya u Bhang kam chibynta ka Behdieñkhlam Tuber

July 21, 2025
Culture

Wanrah ki paaid ka Phang Neiñ Raij Tuber ya u Bhang wa man kam u Dieñ Khlam

July 21, 2025
Culture

Da pyndep yei deiñ ya u Bhang Blai ka Tuber Chohchrieh kam chibynta ka Behdieñkhlam ka Raij Tuber

July 20, 2025
Next Post

Yoh ka Jowai ya ka thaw uiñke sawari wa thymme wei kawa kyrpang

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar