Ka yaw ki warep wa ym em pynemkaam ya ki dawai sboh

Jowai: Ka Society for Urban and Rural Empowerment (SURE) ynne ka sngi da pynman ko yaka yaw ya dai ya thied yaki jhur wada rep khlem pynemkaam da ki sboh dawai wa chna da u bru, kiwa da wanrah da ki warep wa em hapoh ka Participatory Guarantee Scheme, haka yaw wada pynman ha pchem ka skur H.K.Singh Memorial Secondary School Jowai.

Ka thong kani ka yaw ki warep namo ka Farmer’s Market toh wow pynchlur ya ki warep wow rep khlem pynemkam sboh dawai yow pynku yei yoh i kot ki warep wei kamjooh leh yow pynku chooh chooh yei chait i khiah u paidbah.

Ya kani ka yaw ki warep deiwa pynemkaam ya ki sboh wa mih naka rymaw (Organic Farming), da yarap wow pynman daka SURE waka North East Slow Food and Agrobiodiversity Society (NESFAS) wei lyngba kani ka yaw da pynsñiawthooh yaki paidbah heiyatoh ki baam tynre kamjooh i kordor ki jhur yirngam deiwa pynman yaki e sikai wei wow lai pynsñiawthooh leh ya ki paidbah da ki drama wa tbian haki chnong ki yaw waphær waphær.

Hei yaklam waka Pasqualina Lamare, Programme Associate kani ka kaam, da ong ko wa ki warep da chna ki yaki Agrological Learning Circle (ALC) wei ka thong yong ka toh wa kwah ki wa kini hi ki warep u man ki kiwa chemphang neibhah kam ki warep cha ki thaaiñ yong ki, tip ki leh rap bniah yei eh i khoo wa maad ki, natlor wow man ki leh kam ki Scientist hei yong ki i hok wow yahkhmat yaka chong yong ki.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hawa kylli wa heiwon i rukom lyngba kani ka Project booddien ki yaki mar rep kiwa rep khlem pynemkaam sboh dawai, da ong ko wa napyrdi kini ki seiñ ki warep, em leh ki Field Coordinator ki wow pait jar jiar ki warep kiwa lai sylli man ki por yaki thaw rep wei wow em leh i yachemlang man i por.

Chooh chooh ong ko wot napoh ka NESFAS leh man i por jooh wan pait ki yaki jhoor, ki mar rep yow chem wa rep sakhiat hi ki mo khlem pynemkaam sboh dawai kamjooh leh em hi ki bru wa leh da ki stat sayan wow pyntikna ya ini.

Ha kani ka sngi nalor ka yaw ya dai ya thied da em leh ka drama tbian wada pynyoo cha ki paidbah wa wan yaw yow sñiawthooh ki yei myntoi ki jait jhoor waphær waphær wa ki bru toh u baam ki yow yoh yei chait i khiah.