Jowai : Ha rood ka sarok na Amlarem cha Padu em ka yaw u warim wajah wa jooh pynman 300 snem nachwa hajrong ki moosiang.
Kini ki moosiang man ki kiwa langdoong wei da em ki boon tylli heiwa da yadai yathied hajrong yong ki.
Da seiñ ya kani ka yaw nadooh i por yong u Riang Kana Dolloi Dhar wei ye phi u yoo ya ka harood sarok neiliang timun heipor wa lai cha Padu. Ini i thaw jngai i du kamwa 2 Km donhi na Amlarem.
Ini i thaw katni em i hapoh ka Raij Pamtadong wei katni haap ko hapoh ka hok kynti yong ka Kur Dhar.
Rap ha khmat neini i thaw em leh i thaw booh chyieñ (Thau) wa kyntang yong ki pateiñ ka kur Dhar tangwa ym em de pynemkaam ya ka.
Katkam ki parom da ong wa rap cha wah neini i thaw em leh ka kut (fort) yong u Kana Dolloi i wa em ha synrang.
Ini i thaw em i boon ki parom warim wajah iwa ye leh u khriñ ya kiwa wan uiñ sawari. Ya ini i thaw katni da pait da ka kur Dhar wei da khang pyrchah yow pynemkaam bakla ya ini i thaw. Da em leh uwi u bru u wa chna ya ka top booh sboh weih ha ini i thaw tangwa da dep chang ka kur ya oo.
Discussion about this post