Ka yi ka ka NPR?

Jowai : Ha kini ki sngi, da mih boon kiwa kylli chaphang ka NPR waka Aadhaar boon kiwa da thoh leh hei yatoh wa kini tangwa neiliang u Wyrta kwah chwa u sdang dewai jubab chwa ya ki kattu kattni ki phang kiwa khlan bha ki bru u kylli chwa u yania chaphang ka NPR, chwa u poi won sa ka Aadhaar

Ka yi ka ka NPR?

Ka NPR namo ka National Population Register toh i pyllang ya ki pyrtuid yong waroh kiwa sah hapoh ri India han lada man ki na bar ri leh ye ki u pynpsiah yei pyrtuid ki hapoh kani ka NPR

Ki yi de ki kot ki sla wa emkaam yow pynpsiah pyrtuid hapoh kani ka NPR?

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ya kiwa kwah u pynpsiah pyrtuid hapoh ka NPR emkaam u wan ki cha khmat yow pynsiah pyrtuid wei ym emkaam u rah kiwon kiwon ki kot ki sla.

I yi jia heipor pynpsiah pyrtuid ha ka NPR?

Heipor wa pynpsiah pyrtuid hapoh ka NPR emkaam u e phi ya i pyrtuid yong phi, pyrtuid bei, u pa, ka/u kurim, thaw wa kha thaw sah, ka ri yong phi, ki kyrdan puræ puthi wa ki dur passport size.

Haap hi mo u e ya ki fingerprint wa ki Iris Print?

Heipor wa wan pynpsiah ya ki pyrtuid phi, ya ki fingerprint yong waroh ki pariam kti wa i scan ya ka Iris Print (pyllung næ ki dur pyllung khmat) ym pu em wa ye u pynbor phi ye phi leh, ye phi u kyntait u leh ya kini.

Hoi hi ki bru na bar ri u pynpsiah pyrtuid ha kani ka NPR?

Waroh kiwa sah hapoh ri India wa me 5 snem cha neiñ hanlada man ki na bar ri leh ye ki u pnypsiah pyrtuid emkaam u man ki, ki Usual Resident (kiwa da sah ha iwi i thaw la 6 bnai wei u sah chooh ki sa 6 bnai) ye ki u pynpsiah pyrtuid ha kani ka NPR.

Deiwa em pyrtuid hapoh ka NPR yoh hi u man tre ri?

Ka NPR ym em pynman tre ri (Citizen) ko ya kiwa wymtoh ki tre ri. Ya kiwa kwah u man tre ri (Citizen) haap lai ki katkam ki kyndon aiñ Citizen Act 1955.

Kiyi de kiwa da em pyrtuid hapoh ka NPR?

Heipor wa leh ya ka census 2011 da pyllang lut ya waroh ki pyrtuid ki bru, ki thaw sah wa kiwa ha yung ha sem yong ki. Waroh kiwa em pyrtuid ha ka Census da em pyrtuid chwa ki hapoh kani ka NPR.

Kammon u tip O lada em næ ym em pyrtuid O hapoh kani ka NPR?

Yow tip wa em pyrtuid phi hapoh kani ka NPR ye phi u lai hapoh ka ophis u DC wei ye u pait wa lada em næ ym em pyrtuid chwa phi hapoh ka NPR

Hoi hi u dam u pynpsiah pyrtuid hapoh kani ka NPR? 

Katkam ka aiñ Citizen Act 1995 emkaam ya waroh ki tre ri u em ki hapoh ka National Register of Indian Citizens (NRIC) katkam ka kyndon 14A yong kani ka aiñ kawa da amend ha u snem 2004. Ka NPR toh kam ka laad yow yabhah ya ki trei ri na ki na bar ri kamtæ da emkaam (compulsory) ya waroh ki tre ri katkam ka aiñ yow thap pyrtuid ki hapoh ka NPR yow ye ki u psiah pyrtuid hapoh ka NRIC.