Jowai : Kam chibynta wow pynemwarom yei dap 153 snem wa chah pasi u Woh Kiang Nangbah da pynman ya ka Youth Conference wa 17 yong ka Lei Synshar Cultural Society ha yung skur ka Seinraij Higher Secondary School, Umsangkheiñ, Tpeppale Jwai.
Da sdang ya kani ka Conference wa ar sngi 29-30 tarik uni u bnai wei da wan u CEM, ka JHADC, u ma Thmbor Shiwat kam u kongsan katwa u Deputy CEM, ka JHADC u ma Andrew Shullai da man u kam u symbood kongsan.
Ka mat phang kani ka conference toh “Nongrim u Woh Kiang Nangbah, Khlawait ka Ri, Yieñ tylli u kune ki. Ha kani ka Conference u ma Shibun Lyngdoh da man u kam u Chongknor heiwa da yoh leh ya ki kyntien chaphang uni u Khlawait ka ri na u ma Dawanpoi Passah, Vice President ka Seiñraij Jowai, Dr. P. Syngkon, President Kur Sookpoh uwa man leh kam u Secretary ka Dong Tpep Pale.
Hachwa u klam na ki waheh da yoh yei klam pynche kaamram wa ki nongrim kiwa ka Lei Synshar Cultural Society kreh ko na u ma Puramon Kynjin uwa man leh u Secretary kani ka seiñ.
U kongsan hei klam yong oo da e khublei u ya kani ka seiñ kawa da ye u pynman ya kam kani ka Youth Conference hajrong ka nongrim wow pynsniawthooh ya ki khynroo khyllod ya ki nongrim kiwa u Kiang Nangbah yieñ yaleh u.
Ha ka kylla miet won kawa da man ha ijooh i thaw heiwa da yoh leh yei klam uwa da khana parom tbian cha ki pidbah chaphang u woh Kiang Nangbah.
Discussion about this post