Ka yung ka sem toh ka chlem sikai wa nyngkong dooh ya ki khon ki kti : Bishop Victor Lyngdoh

Jowai : Ha pyrdi i maham i suiñ bneiñ wow slap tooid ki dkhot ka Seng Rangbah Catholic Diocese Jowai cha ka yachemlang wa ar sngi yong ka ha ka 18 wa 19 tarik uni u bnai ha Parish Mowkyndeng, WJH.

Hachwa wow sdang ya kani ka yalang kawa tip kam ka 1st Session da em ka ya phyllu yumut heiwa da yohlaad waroh u sñiaw yei ñia yong ki kamjooh i sur ki waheh wasian.

Hachwa kani da pynhær ya ka lama ja seiñ da u Robinus Syngkon, u MLA ka thaiñ.

Ha chwa wow sdang i yaphyllu yumut da yoh yei klam lamphrang wa i pdiang sñiawbha na u waheh uwa man leh u president ka synjuk u Michael Nongtdu wa kiwi tawan de kiwa da klam hei yatoh wa ka imlang sahlang.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da embynta leh u Bison Roi Iano, MDC, u Fr. Benedic Kharlyngdoh, Parish Priest Mowkyndeng, u Fr. Augustine Lamin, Spiritual Director uwa man leh kam u Rector ka Nardini Seminary Ummulong, wa kiwi kiwi.

Ha ka 19 tarik hachwa wow pynman ya ka Mass wa khooid da yoh ya i klam na u waheh Michael Sayoo wei da pynbood ya ka kñia mass wakhooid wa da yahkhmat da u Most Rev. Victor Lyngdoh, u Bishop ka Jowai Diocese hei emlang ki Lyngdoh Sohblei.

U Bishop hei klam da ong u wa sñiawkmen u yei embynta ha kani ka yachem wa chisien chi snem wei da yaroh u ya ka Synjuk ki Seng Rangbah ka Diocese kiwa da kreh chitom hapoh ka balang kamjooh ha ka imlang sahlang wei da yooluti u wa i krehchitom ki u lai i chaaid chaaid ha ki sngi wow wan.

Da ong u hajrong ka matphang “phi kiwa heh man kam kiwa heh ksoh yei kitkhlieh yong yong phi ha ki yung ki sem wa kynthup leh hadooh i ya syllok ha yung, ha ki thaw puræ, wei ym hoi u mylliñ leh ya ka manyung mansem yow man ko kam ka nongmuna wow bood kiwi tawan”.

Da ong u leh wa kiwa heh man ki kam kiwa sikai kiwa em i kit khlieh wow yah luti ya ki khynnah kiwa daw kylla khynroo wym hoi u mylliñ ki ya ka akor ha ka imlang sahlang wei du neini donhi u ye u wanrah ya i kylla ha ka imlang sahlang.

Ha kani ka sngi chwa wow pynkut ya ka yachemlang ki waheh ka Jowai Diocese da yoh ya ki kyntien klam sneiñ kyntu wei i klam sah kynmoo na u Fr. John Michel Myrboh, Asst. Parish Priest yong ka Barato Parish, wei da pynkut ya ka sngi da ka Sacrament wa da yah khmat da u Bishop ka Jowai Diocese.