Shillong: Deiwa bood yaki kyndon ka ka Ministry of Home Affairs, Government of India kawa da pynmih ini wadep, u Chief Secretary ka sorkar Meghalaya da pynmih hukum u ynne ka sngi wa ki dukan kiwa da dep jied wow wai kiwa dai yaki maar wa emkaam (Essential Goods), Courier Services neibynta ki Essential Goods, ki E-Commerce kiwa dai yaki Essential Goods waki Common Service Centres (CSC) toh kiwa da chah wow wai hapoh ka jylla lait noh ha Shillong waki thaw wa em hakhap sor, ka Mylliem Block, East Khasi Hills District nadooh ka 24th April, 2020.
Da chah leh yaki kaam wa da leh daki bru samen (Self Employed) kam ki Electrician, IT Repairs, Plumbers, Motor Mechanics, ki mistri (Carpenters) wa ki karkhana chna Truck kiwa em haki sarokbah (Highway), ki dukan Hardware kiwa dai CGI Sheets, Cement wa kiwi kiwi ki mar wa emkaam ha wow chna wow tei (Construction) kamjooh wow kit ya kini ki mar. Da chah leh wow wai ki dukan Electrical Shop.
Kani ka hukum da ong ko leh wa ki karkhana (Industrial Establishments) kiwa yong ki bru samen kamjooh yong ka sorkar kam kiwa chna baam (Food Processing Industries) kiwa em cha palat sor kiwa cha baar i pait ki Municipal Corporations lane ki Municipalities wa kynthup yaki thaw dung khoo, pynmih phñiang baam, ki thaw chna moo block u chah u sdang biang ki u krehkaam.
Waroh ki kaam rep, ri mrad, psan dakha, ki thaw pyllang dud waki mar wa chna na i dud, i pynyoh yaki mar rep wei wow pynlai yaw yaki mar rep, ki Custom Hiring Centers, Cold Storage wa ki Warehouse toh kiwa da chah wow krehkaam biang ki.
Da chah leh yei wanrah yaki symbe, ki baam ri mrad, ki kor rep kamjooh ki karkhana pynmih slacha deiwa pynemkaam ym palat ya 50% ki wakreh wow song yaki mar wei wow pynpoi cha ki yaw.
I rukom kit yaki mar rep daw chong i ha i rai ki jar jiar ki Deputy Commissioners, da chah leh wow wai yaki Veterinary Hospital, ki Dispensaries, Clinics, waki dai wa i pynpoi yaki dawai hadooh ki Vaccine da chah biang.
Ki kaam MNREGA da chah deiwa bood yaki kyndon Social Distancing wei deiwa pynemkaam yaki Face Mask deiwa booh kyrpang yei kreh yaki kaam Irrigation and Water Conservation Works.
Da chah leh wow chna yaki sarok, Irrigation Projects, ki yung ki sem, waroh ki jait karkhana wa kynthup yaki MSME, kiwa em cha ki thawa palatsor kamjooh cha baar i pait ki Municipal Corporations wa Municipalities, kamjooh leh ya waroh ki Industrial Estates da chah hadooh wow kit yaki mar wa emkaam ki.
Heiyatoh wa ini, u DC ka West Jaiñtia Hills da pyntip u wa hapoh ka District i rukom wai yaki dukan kiwa da jied u man hi ko kamjooh haka Wednesday waka Saturday nadooh 9 waje i step hadooh 4 waje i janmiet katwa kiwa dai Wholesale won u wai ki haka Tuesday waka Friday.
Ki dukan dai rachon (Fair Price Shop) u wai ki man ka sngi nadooh 9 waje i step hadooh 4 waje i janmiet.
Yaki karkhana chna Truck wa em haki sarokbah u wai du kiwa da jied da u DTO ka West Jaiñtia Hills.
Ki jait dukan Hardware wa da kdaw haneiñ wa iwa da chah wow leh ki, hapoh West Jaiñtia Hills u wai ki haka Wednesday waka Saturday nadooh 9 waje i step hadooh 4 waje i janmiet.
Ki dukan Electrical Shop won toh du kiwa jied da ki waheh chnong ki wow wai haka Tuesday wa Friday nadooh 9 waje i step hadooh 4 waje i janmiet.
Yaki Industrial Estate won hapoh West Jaiñtia Hills yow kit yaki mar yong ki hapoh West Jaiñtia Hills District emkaam wow yoh Pass na u DFO (Territorial) West Jaiñtia Hills District, Jowai.
Ki wakreh haka Health Department emkaam ki wow yoh Pass na u DMHO ka West Jaiñtia Hills.
Ki wakreh won haki Corona Care Centers wa haki thaw wa leh Quarantine emkaam ki wow yoh Pass na ki yung krehkaam ki District Head, kamjooh leh ki wakreh sorkar (Essential Officers) ki wakreh neibynta u COVID-19.
Ki kari wa kit yaki baam wow psan mrad emkaam ki wow yoh yaki Pass na u District AH&Vety. Officer.
Yow kit yaki kor lor lyngkha (Power Tiller) emkaam wow yoh Pass na u District Agriculture Officer, Jowai.
Yaki kari kit um emkaam wow yoh Pass na u EE, PHE Electrical Division, Jowai.
Ki kari kit kwai kit pathi emkaam ki wow yoh yaki Pass na u District Magistrate, West Jaiñtia Hills District, Jowai lane na Addl, DC, i/c Amlarem Sub-Division, Amlarem.
Ki kari wa kit ya u saroo hap yoh bor na u District Magistrate, West Jaiñtia Hills District, Jowai.
Kiwi won ki kari wa kti yaki mar wa emkaam (Essential Commodities), LPG, ki chipai, ki Medical Equipment wa lai luti naki sarokbah hap ki wow leh katkam ki kyndon wa da booh chwa, heiwa kiwa yah kari kamjooh kiwa yarap yaki hap ki wow leh yaka Medical Screening.
Discussion about this post