Jowai : U District Animal Husbandry & Veterinary Officer, West Jaiñtia Hills da pyntip u cha waroh ki tre ksaw wa ki mrad psan ha yung wow wan e dawai (vaccinate) ya ki ksaw wa ki mrad wa ri ki yow yada nei kjut Rabies.
Yeini ye u leh ha ki thaw wa jan bha kam ki Veterinary Hospital, Dispensary, Aid Center kam ka laad wow yada ya ki ksaw u yada neini i kjut Rabies.
Da pyntip u leh wa ka Animal Welfare Board of India (AWBI) daw e yarap poisa ko hapoh ka Regular Grant neibynta u snem 2015-2016 cha ki Animal Welfare Organization (AWOs) wa da tipmit da kani ka Board. Kini ki scheme kynthup ki ya ki thaw ri mrad (Shelter House) ka Animal Birth Control & Immunization Of Stray Dogs, ki kari kit ya ki mrad wa kjut (Ambulance) wa kiwi kiwi.
Ka Board da pyntip ko leh ya ki Animal Welfare organizations (AWOs) wow thap ya ki application yong ki ha ka rukom wa toh chirup wa ki Animal Verification Certificate, Inspection Report Certified na u Animal Husbandry Official chirup wa ka Endorsement na u District Magistrate.
Wei ya kini emkaam u e cha ka Animal Welfare Board, Animal Husbandry Department.
Discussion about this post