Jowai: Ka Raij Jowai ha uni u snem daw pyndep ko ya ka lehniam Behdieñkhlam hapyrdi i em ka khlam u COVID-19 ha kylleiñ ka pyrthai wei ha uni u snem kani ka lehniam u man ko kawa phær dooh neidaw wa da pyndam namo pynsangeh ya ki kattu katni ki bynta.
Ki kattu katni ki bynta wa da khang namo da pynsangeh ha kani ka Behdieñkhlam man ki kamni hawah:
- Ha ki kñia ki khriam ymchah wow wan paidbah wow chimbynta lait na kiwa embynta ha ki kaam niam wa ki kattu katni ngut kiwa da jied na ki chnong hapoh ka Raij.
- Ha ki Soo Sngi Le Yaw ka Behdieñkhlam ym chah ya ki paidbah wow wan paitke tangwa ye u pait du na jar jiar ki yung ki sem donhi.
- Ha Iawmusiang leh ymchah ya ki bru wow wan paitke.
- Ha ka Muchai ha Aitnar ym em u khut sñiawbha yeiyi yeiyi leh namo ki invitees (VIP/Guests), ymchah leh ya kiwa wan paitke lait na ki yung kiwa em ha talawiar ka Aitnar.
- Ym rah dieñkhlam ki Loom ki Pdeiñ namo ki Dorbar Chnong.
- Ymchah wow rah u pynmih ya ki bom ki bhuri wow chaad ha luti syngkieñ.
- Yaka kyntiñ khnong da pynsangeh.
- Ya ka Datlawakor leh da pynsangeh.
Chooh chooh ya ki yutip wa bniah ye u yoh deiwa Download ya kani ka File heini.
