Jowai : Ka yingkieñ Doidoi kawa em ha Syntuksiar, Jowai toh kawa boon na i ymtip i yi wa chna ya ka, ynnu da wai ya ka, la katwon snem em ko, neilaing u Wyrta da pyrchang i u thooh tre katwa ye u yoh, yow pyntip cha phi kat iwa chem i.
Man ka sngi da em bait ki bru kiwa uiñke sawari kiwa kaap wei chondur hajrong ka yingkieñ Doidoi kawa em hajrong ka Wah Myntdu. Kani ka yingkieñ man ko leh kawa da bna naam bha ym du ha ka ri-loom Jaiñtia tangwa ha kylleiñ ka jylla kamjooh leh cha baar.
Yei miat yong ka da yoh u sakhi ha ki phlim baiskoop, ki sur wa kiwi kiwi.
Ya kani ka yingkieñ da sdang u chna ha ka 29 Duyatra (January) yong u snem 1981.
Katkam ka Plan ha kitu ki snem da ong wa da mut u chna ya ka hajan Mutong, wei u jrong ko 58 metre hei lut kamwa T. 2.85 lak.
Na ki daw wa boon, kam i kmai um wa kiwi kiwi da kyrriah noh ya i thaw wa mut u chna ya ka hajan Mutong cha i thaw wa em ko katni.
Kani ka yingkieñ kawa katni jrong ko 80 metre, wei da chna ya ka hei lut kamwa T. 14.74 lak. Katni won lada chna biang ya ka ye u lut hadooh kamwa T. 70 lak.
Dang nachwa kiwa rep cha chilliang ka wah Myntdu, kamjooh kiwa chong wa sah kam ha Chyrmang, Iongnoh wa kiwi kiwi lada ong ki u wan cha Jowai haap kaap ki ya ka wah wei heipor lyiur duk ki u ku cha neiñ na ki thaw wa stang um, lada kmai um won duk ki u laai chadooh ka Yingkieñ Naar wa em hajan Khimmusniang.
Ha u snem 2014 da chna pynmiat ya kani ka yingkieñ heiwa da siang noh da ki Stainless Steel Sheet ha luti lai kjat heithaw ki pyrthaap kiwa smat sih smat pa-ut wei da booh da ki jaar ha chrooh yong ka heithaw yong ki naar hieh.
Ha u 2014 da chna pynmiat ya ka hei lut kamwa T. 8.20 lak lyngba ka 13th Finance Commission.
‘ 
‘ 
‘ 
Click Play
Discussion about this post