U Himanta Biswa Sarma da chah jied u ynne wow man kam u montri rangbah wa 15 ka jylla Assam hadien wa chong yalang ki heh ka BJP ha Guwahati.
Ya u Himanta da kha ha ka 1 Thohlakhmi (February) 1969 ha Gandhi Basti, Ulubari, Guwahati wei u pa u toh u Kailash Nath Sarma wa ka bei u ka Mrinalini Devi.
Da pyndep skur u na Kamrup Academy School, Guwahati ha u 1985 wei da lai puræ u ha Cotton College, Guwahati heiwa da man u leh kam u General Secretary ka Cotton college Student’s Union nadooh u 1991-1992.
Da pyndep u ya ka Graduation ha u 1990 wei ka Post Graduation ha u 1992 ha ka Political Science na ka Cotton College, Guwahati.
U Himanta da pyndep u ya ka LLB na Government Law College, Guwahati katwa ka PhD na Gauhati University.
Da jooh man u leh kam u muktiar ha Gauhati High Court na u 1996 hadooh 2001, da bia u ya ka Riniki Bhuyan Sarma ha ka 7 Naiynru 2001 wei da em ki ar ngut ki khon.
Da chah jied u kam uwa mihkhmat cha ka Assam Legislative Assembly kam u MLA ka Congress na Jalukbari ha u 2001 wei da chah jied biang u ha u 2006 wa ha u 2011 heiwa da jooh man u leh kam u montri ka sorkar Assam.
Ha ka 23 Naisaphra 2015 da psiah noh u cha ka BJP wei da chah jied biang u kam u MLA ha u 2016 wei da man u kam u montri ka chnat i chait i khiah wei da jop biang u ha ka Election MLA yong uni u snem.
Ynne ka 9 tarik u Himanta da chah jied noh u wow man kam u montri rangbah wa 15 ka Assam wei u chimkti u ya kani ka chuki na u Sarbananda Sonowal.
