Kaktkam ki kot ki sla ka sorkar ym em lai toor yow sah ha Them Metor: HPC

Ka Meghalaya High Court ynne da chong bichaar biang ko ya ka mukotduma wa da yaleh da ka Harijan Panchayat Committee (HPC) heiyatoh wow kyrriah ya kiwa sah ha Sweeper’s Colony ha Them Metor ka Iewmawlong.

Ka yung bichaar da ong ko hanla da dep e por chiboon yow yaklam pynbait tangwa ym em poi thong ini i kaam.

Neiliang ka sorkar da ong ko wa hadien wa kini kiwa sah ha Them Metor da dawa ki wow pynheh yei thaw wa da e cha ki wei da leh leh yeini tangwa ki won ym em e jubab ki tangwa kini won kiwa sah heini da ong ki wa ym em poi kam itæ i pyntip ka sorkar cha ki.

Kini kiwa sah ha Them Metor da pyntip ki wa da lai yachem ki waka sorkar pyrdi wei ka sorkar dang pait ko yeini.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka yung bichaar da ong ko wa ini toh u man i iwa suk bha heiwa ka sorkar toh u thung ko yaka Committee yow tip wa lada chong da sah kini ki bru ha kani ka thaw katkam ka aiñ wei na ini i daw kini kiwa sah heini da yaleh mukotduma ki hapoh ka Article 226 ka Constitution.

Chooh chooh da ong wa ya kani ka mukotduma da pynkut neibhah wym ye wow pynsakhiat du lyngba ki sabut wa da wanrah lyngba ka Affidavit. Wei da e laad ya kini wow thooh ki da kiwi ki luti ka aiñ yow pynbiat yeini.

Tangwa da mih i kyllaiñ hadien wa pynmih ya ka hukum haka 15-02-19 heiwa hapoh ka Paragraph 7 neiliang ka sorkar jylla da kwah ko yei pynche neibhah kani ka bynta ka hukum da phah ko ya ka sorkar kamjooh ki chnat sorkar wym toh u pynthut ya kini ki bru lada kwah ki wow kyrriah ki na ini i thaw wei hap ki wow lai cha ka yung bichaar yow yoh ya ka bichaar wa biang deiwa e laad ya waroh arliang u pynsñiaw wei yow chim yei rai katkam ka aiñ.

Kamtæ kiwa sah ha ini i thaw leh da lai ki cha ka yung bichaar yow ong wa da leh pyrchah ya kani ka hukum kawa ong wym toh u kyrriah ki tangwa ka yung bichaar da ong ko wa ym em chah pynchitom ki lyngba kani ka hukum wei ka hukum toh kawa e laad ya ki wow thooh luti da kawi neibhah ki mukotduma wa da leh hapoh ka Article 226 ka Constitution toh kawa bichaar khlem da pait yei sabut.

Tangwa kiwa sah heini da ong ki wa deiwa pait ya ki kot ki sla ka sorkar wow ong toh wa da wan toor ki wow sah ha kani ka thaw man i iwa bakla wei ya ka mukotduma toh u bichaar ka katkam wa toh u leh.

Neidaw wa kani ka kaam da sahkut ko da slem, wei da paan por biang kini kiwa chong ha Them Metor, neiliang ka High Court da ong u e laad wow ap yeiwa kwah u ong u pynsñiaw da waroh ha ka 03-10-23.