Shillong: Ka seiñ HNLC ha ka wyrta wa da pyllait da u Saiñkupar Nongtraw uwa man kam u General Secretary cum Publicity Secretary yong ka da ong u wa ki chipai (Army) wa emkti hei wow siat yap ya u Romeo Lyngdoh neidaw ki kaam yong oo (Romeo) pyrchah ya ka seiñ wa ka jaitbru.
Da pynbaad ka seiñ wa u Romeo man u kam uwa e yutip namo u Police Informer, ya uwa da su wow thooh bru wow e yutip ya ki pulit hapoh jylla kamjooh ki yutip na Bangladesh wei da thooh ko ya oo nadooh u 2008 wei ha i miet yong ka 12 tarik da siat yap ya oo.
Ka seiñ da pynche ko leh wa ha u 2016 ki dkhot yong ka da chah kem ki na Pynursla chirup wa ki bom IED wei da e yutip u ya ki pulit hadien wa da chong kari (Reserve) da ka yong oo wei ki pulit da pynemkaam ki oo wei da yoh tulop bait u na ki.
Da maham ko leh ya ki pulit khamtam na Ynñiawtrep kiwa kreh pulit wymtoh u man ki kiwa sarong hawa leh ki ya ki kaam pyrchah ya ka jaitbru deiwa pynrap wa ka seiñ kreh ko neibynta ka jaitbru
Discussion about this post