U National Secretary ka BJP, u Manjinder Singh Sirsa da pynpoor u ya iwi i Video wa da ong toh ka kynthai kawa muaid drugs hapyrdi sarok ha chnong Amritsar, Punjab.
Kani ka kynthai kawa da yoo lakam ka Zombie i rukom man ko, nyngkong da yieñ ko deiwa pyndor ryngkhi tangwa manda sñiaw ko wa em ka kari wa wan da yieñ pynbait ko suki-suki kam ha ki phlim Zombie.
U Manjinder da pynbaad u yeini ya ka Aam Aadmi Party (APP) ka wym ye u yaleh pyrchah yei drugs hapoh ka jylla Punjab deiwa ong wa dapoi kani ka Party hei bor deiwa kular wow pyndooh jait yei drugs hapoh 3 bnai tangwa katni wot da ki bru kani ka Party toh kiwa embynta ha ini i kaam.
Da ong u wa ki Drug Mafia da khlan chooh chooh ki katni deiwa emkti lang ki MLA ka APP deilang wa ki MP ka Punjab ki wym pyrkhat de ya ki khynroo khyllood.
Ka jylla Punjab toh kawa chah ktah dooh ha i pynemkaam drugs hapoh ka ri heiwa katkam ka yukheiñ ka National Institutes of Health, awjan 35% ki manyung ha Punjab toh kiwa pynemkaam drugs wei ini toh iwa da slem wa man kamni wei iwa man leh iwa eh bha i kaam i wym pu ye u pyndooh hapoh kani ka jylla.
Discussion about this post