Kam u heh ka Jaish-e-Mohammed wa em da ki hajar ngut ki Suicide Bomber kiwa da pynkhreh

Ka seiñ kawa em ha Pakistan kawa man leh ka seiñ ki Terrorist kawa tip kam ka Jaish-e-Mohammed (JeM) da pynlait ko ya kawi ka Audio Message kawa da kam ki toh iwa klam da u heh yong ki, u Masood Azhar.

Ha kani ka Audio Message wa da pynpoor bha ha ki Social Media da kam wa da em da ki hajar ngut ki Suicide Bomber kiwa da pynkhreh wow leh yei kaam yong ki tangwa ym pu ye u pyntikna wa uwa klam ha kani ka Recording toh sakhiat u heh ka Jaish-e-Mohammed.

Ha kani ka Recording, u Azhar da kob u leh yei boon paaid ki wei da em ki ym du da ki spah ngut næ hajar ngut tangwa lada khana daw kulmar ka pyrthai wei kini ki dkhot toh ki wym em kwah ya ka spah ka phaw, i myntoi samen tangwa ya ka “Shahadat” (Martyrdom).

Ini i Audio Recording wan i hadien ka Operation Sindoor heiwa ka India da siat Bomb ko ya ka JeM wa em ha Pakistan, hadooh i Headquarter ko wa em ha Bahawalpur heiwa da yap kiwa boon kiwa yajan wa u Azhar.

Related posts

Kam ka China ya ka Shaksgam Valley wa em ha Jammu & Kashmir

January 13, 2026

Mih i Video chah pynbaad khrong poisa u pulit ha Shillong hadooh Rs.15,000

January 13, 2026

Ha u September ynnin u snem, ka JeM da pdiang ko wa em ki heh ko kiwa man kam ki Commander kiwa da yap kamjooh kiwa ha-yung ha-sem u Azhar.

U Masood Azhar toh u wym em de wa yoo oo nadooh u snem 2019 hadien wa lait im u na i pdung wa joor bha iwa da jia ha i thaw wa rieh u.

Ka UN da tipmit ko ya u Azhar kam u Terrorist wei toh uwa sooh buit yeiwa jia ha India wa kythup ha Pathankot Airbase ha u snem 2016, ka Suicide Bombing ha u 2019 ha Pulwama heiwa da yap 44 ngut ki CRPF.