U MLA ka Mawhati uwa man leh u Montri hapoh ka sorkar jylla, u Dasakhiatbha Lamare da ong u wa lada kreh næ ym kreh daw em bait i chah pynbaad, wei lada kam kiwa mihkhmat yooluti bait ki du i yaroh itæ man iwa ymye wow man.
Da ong u wa ha iwi i bynta emkaam ya ki bru wow pynbaad neibhah pyndukhi i yei mynsien wow kreh chitom chooh chooh, wei da ong u wa heipor wa dang sdang u wow yakhun ya ka Election neidaw wa em kiwa klam wa beiñ tæ chit i mynsien wei kwah u wow pynyoo ya ki wa ymtoh kamwa pyrkhat ki.
Da pyntip u wa kam u MLA da leh u kiwa boon ki kaam hapoh ka Mawhati Constituency, nadooh ka skur Eklavya Residential School da yoh ha chnong Umtrai, ki sarok PMGSY wa kiwi kiwi. Da ong u wa ka Mawhati Constituency toh kawa yaar wei em ko hadooh 153 tylli ki chnong, da pynrap u wa khlem sarong, lada yanujor wa kiwi, ki kaam pynroi rap boon kiwa da leh u nadooh ki Scheme PMAY, IAY wa ka SRWP.
U Dasakhiat da ong u wa uwa pyrchah næ u wym emlang lada kreh bha iwon iwon leh daw pynbaad bait u lada leh katwa leh, katwa uwa kyrchaan won u yaroh bait u.
Da ong u wa kam uwa mihkhmat ym jooh yooluti u du ya i yaroh næ i pynbaad.
