Uwa yahkhmat ka Liang Pyrchah, u Dr. Mukul Sangma da khyrwait u ya ka sorkar kawa da pynlut-ke ya ka poisa yong ki paidbah neibynta wow pynbiang yei yada namo ki Security ya ki bru samen ki wym emkaam yada iyi iyi leh.
Hawa klam ynnin ka sngi, u Dr. Mukul da ong u wa em u bru uwa yoh yada da ki pulit, uwa pynkieh Siren wei uwa lai pynheh rupai iwa da pynwit wei pynthut ya ki paidbah. Wei ini toh i pynemkaam bakla ka sorkar ya ki pulit wa ka poisa u paidbah, wei da klam u deiwa khor ya ini ha ka yalang ka Security Commission.
Da kylli u leh yeiwa thung kam ki Chairman, kiwa e buit ka sorkar, i yoh yada da ki pulit iwa man pyrchah ya ka aiñ. Da ong u wa yow yoh yei yada deiwa thung da ki pulit toh du ya kitu kiwa em yei daw wa biang, kiwa em hei maa hawa im ki neibhah wot ki MLA leh ym ye ki wow yoh yei yada khlem ki daw kiwa biang.
Da ong u leh wa daw dawa wa kitu ki Officer kiwa pynbiang yei e yada ya ki Politician kiwa kwah du wow pynad rupai wow pynthut ya ki paidbah wa ki toh u su ya ka poisa waroh wa da pynlut ya ki neibhah toh ka yong u paidbah, ymtoh kawa na kata yong ki.
Da e nongmuna u ya ka sorkar yong oo kawa nachwa leh thung hi ko ya ki Chairman, tangwa ka sorkar ym em pynbiang bru ko wow yada ya ki.
Discussion about this post