Ki kattu katni ngut ki Nurse na Meghalaya da lai ujor ki cha ka Montri ka chnat i chait i khiah, ka Dr. M. Ampareen Lyngdoh ynnin ka sngi hadien wa ka sorkar ini wadep da pynbna ko wa lait kreh neibynta ki Nurse tangwa da ki kreh Contract donhi.
Kini ki Nurse da pynsñiaw ki yei pyrchah yeini rukom khut kreh dei Contractual Basis deiwa ong wym yahaap wow leh kamni khamtam ya kiwa kreh hei chait i khiah, kamtæ da dawa wow pyndam chwa yeini i khut kreh.
Da e daw ki wa kam ki Nurse hanla man ki kiwa kreh chitom wow sumaar sukhær ya kiwa kjut wa chitom tangwa da su ya ki deiwa duna wei ym em sñiaw skem manda e kreh Contract.
Ka Ampareen da ong ko wa yeini i e kreh da ka Contract toh iwa da leh da ka Finance Department.
Da kular ko leh wow chimkhia yeini wei daw khut yachem biang wa ki ha ka tayaaw wow wan.
Kam wow pynkynmoo wa ka sorkar ini wadep da khut ko da ka Walk-In-Interview neibynta 325 tylli ki kreh Nurse da ka Contractual Basis neibynta ka 11 bnia chwa iwa ye u pteiñ deiwa su Rs. 30,000 chi bnai.
Kiwa ye u yaleh ya kini ki kreh toh kiwa da pyndep ya ka B.Sc Nursing næ General Nursing & Midwifery (GNM).
Discussion about this post