Jowai : Ha kani ka juk “Digital Age” da yoo wa kat dang lai ki sngi dang boon ki bru wa jied yei chondur kam i kaam wow pynwyrngia ya ki hadooh wa em leh ki wa jied ya ka kam ka kaam pynmih poisa.
Neiliang u Wyrta kwah i u e kattu katni ki buit wow yarap ya phi u sniawthooh bha yei wa kongsan dooh hei chondur itæ toh wa tip kam i “Exposure” namo wa kammon u chon ya ki dur yow mih ki katkam wa kwah phi kitæ toh ki wa che bha (over exposure), kiwa doom (under exposed) wa ki wa dur wa mih katkam wa man wa yoo phi da i khmat (correct exposure).
Heini i “Exposure” em le jait ki wa ye phi u pynemkaam ki wa kreh lang chirup kiwa khlem kawi ym hoi u chondur. Kitæ toh i “Shutter Speed”, “Aperture” wa ka “ISO”.
Shutter Speed : Ha ki camera Digital Single Lens Reflex (DSLR) da em ka wa tip kam ka “Shutter” ka wa man kam ka dwar wa wai wa khang yow yoh i che (light) u psiah ha u sensor uwa pyllang ya waroh ki dur (color information) wa psiah na ka lens.
Ya ka Shutter Speed da kheiñ ya ka dei por ye u wai ya ka chi second, chiteiñ second chi pawa second ter ter. Ha ka camera daw yoo phi wa da thooh yeini 1/125, 1/500, 1/650 ter ter iwa mut 125 bynta na ka chi second, 500 bynta na ka chi second ter ter. Katwa dang smat yei wai i khang kani ka shutter dang duna i psiah i che, man i dei kylla lada pynslem i wai i khang kani ka shutter.
Aperture : Hapoh ka lens em kani ka aperture kawa man kam i thlu wa ye u pynheh pynkhian wei da kheiñ yei heh i khian i thlu da ki nomber (f number) kam f1.8, f2, f4, f5.6 ter ter hadooh 22. Katwa dang heh u nomber dang khian i wai ka Aperture. Ini mut i katwa dang heh i wai dang boon i che wa psiah ha u sensor katwa dang khian i wai dang duna i psiah i che.
Deilang ka Shutter Speed wa ka Aperture ye u nujor ya ki wa ka dwar (i wai i khang toh i shutter speed katwa ye heh i khian ka dwar toh ka Aperture) katwa yei che (light) won ki bru wa ye u psiah ha kani ka dwar. Lada smat u wai u khang ya ka dwar duna wa ye u psiah tangwa lada ka dwar man ko kawa heh han lada smat u khang ya ka leh ki bru ye ki u psiah. Ya ini i pynheh pynkhian ya ka dwar toh iwa jied da ka Aperture lada wai heh kam f 1.4 boon kiwa ye u psiah lada wai deiwa khian duna wa ye u psiah. Kamtæ ya ki dur wa chon phi deiwa jied phi ya ka Shutter Speed wa ka Aperture ye phi u jied hadooh katwon i che wa ye u psiah iwa ye u pyndoom ne pyntyrchiah ya ki dur wa chon phi.
Ka ISO won toh ka laad wow jied hadooh katwon u sensor khlan u i bor u chim yei che ha oo. Kam heipor miet næ ki thaw wa doom ye phi u pynku yei bor u sensor deiwa pynku ya ka ISO na ka 100, 200, 400 hadooh 6400 chong ha ka camera wa em phi. Tangwa deiwa pynku ya ka ISO daw em noise (wyrthoh) næ i duna i mait ki dur neibhah daw sdang u mih ki dak wow pynduna yei miat ki dur.
Ha ki artkil wa daw bood daw khana bniah chooh ya kiwi ki liang wa ka Shutter Speed, Aperture wa ISO heiwa kammon ktah ko ya ki dur wa chon phi.
Discussion about this post