Kammon u pyrchah yaka UCC hawa tang u tip leh ym tip iyi em hapoh kani ka Bill: Conrad

Ka sorkar Meghalaya ynne hapoh ka yung dorbar chna aiñ da rai ko wym bien u lai chakhmat yei dawa ka liang pyrchah wow wanrah da ka Resolution yow pyrchah yei pynkrehkaam ya ka Uniform Civil Code (UCC) hajrong ka yurim wym tip iyi em hapoh kani ka Bill.

Ya kani ka Resolution yow pyrchah ya ka UCC wa da wanrah da u MLA ka Congress, u Charles Marngar uwa em leh ha ka Liang Pyrchah wei da yoh ko yei kyrchaan na kiwi MLA wa em ha ka Liang Pyrchah ki yong ka Party All India Trinamool Congress (AITC) waka Voice of the People Party (VPP).

U Montri Rangbah hawa e yei jubab da ong ko wa ka sorkar u pyrchah ko yei phang pyrdi ka UCC wei oo leh nadooh nachwa da ong u wa pyrchah u yeini neibhah ka ri India toh kawa em boon ki jaitbru wei u em du kawi ka aiñ neibynta waroh toh i wym ye u pdiang lada ktah ko yei chongkha chongman wei yei hiar pateiñ.

Heijooh i por da ong u wa kamwa man kattæ ym tip iyi em hapoh kani ka Bill neibhah ym pu em tang u wanrah leh ya kani ka Bill wei ymtip leh lada daw krehkaam ko leh hapoh ka jylla yong i.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Da ong u leh wa lada kiwi ki jylla pyrchah ki ym mut wa i leh u pyrchah i neibhah emkaam wow pyrkhat boi em iwa bha neibynta yong i hapoh kani ka Bill.

Da kular u leh wa lada kani ka UCC daw pyntlot ko yei hok kiwa chong chnong ka jylla, daw yatylli lang waroh yow pyrchah ya ka.

Hadien wa da chimbynta wow yaklam wei da yoh yei pynche, neiliang u Charles Marngar da pyndam noh u ya kani ka Resolution wa da wanrah u.