Kammon u ye phi u yoh ya ki kot T. 100 hawa lai kylliang

Jowai : Neidaw wa duna ki kot T. 100 kamjooh da pynku ya ka poisa wa ye u kylliang (exchange) cha ka T. 4500 chi sngi, u DC ka WJH da pyntip paidbah u wa kammon u leh yow yoh phi ya ki kot poisa T.100.

Ha ka slip wow kylliang poisa da kyntu wow paan kylliang T. 500, T. 2500 næ T. 4500 yow pynsuk ya kiwa kreh bank u e ya phi 5 tylli ki T. 100 wa kiwi ki poisa khian.

Lada thoh phi u kylliang T. 2000 næ T.  4000, kiwa kreh bank (cashier) u e ki ya phi du kawi næ ar tylli ki T. 2000 ya kawa eh u ye phi u pynemkaam.

Lada thoh phi wa kwah phi u kylliang T. 1000, ki cashier boi ym ye ki u e kylliang ya phi neidaw wa duna ware ki T. 100.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Lada sai phi T. 24000 chi tayaw ki cashier ye ki u su deiwa bhah da ki T. 2000, T. 100, T. 20 wa T. 10.

Ym emkaam de u rah ya ka Xerox Copy yong ka ID næ ka Identity Proof. Du deiwa pynyoo ya ka ID wa sakhiat (Original) leh da hoi chirup wa ka exchange slip hadien wa dadep pyndap ya ka.

Ye u kylliang ya ka poisa kat nawa em ki bank wei ym emkaam u em phi ya ka account ha ka bank kawa kylliang poisa phi.

Lada ym ngait ki bank yeini ye leh u ujor cha ki bor ka West Jaiñtia Hills heiwa da kyntu leh ya ki paidbah wow man ki kiwa em akor wei emburom hawa lai kylliang poisa ki.