Ka sorkar Meghlaya hei yachem ki Montri sorkar ynne da mynjur ko wow pynman kam kiwa kreh sorkar wa pura namo wow leh ya ka Regularisation ya ki Nurse wa thung kam ki Staff Nurse wa Auxiliary Nurse Midwife (ANM).
Ini man ko neibynta kiwa jan dap 1,000 ngut ki Nurse kiwa da thung kam ki Adhoc neibynta ki Sanctioned Post chwa u December 2007. Heiwa hanla man ki kam ki Sanctioned Post tangwa ym em da pynman ki kam kiwa kreh wa pura hadooh kattæ.
U Montri Rangbah, u Conrad K Sangma da pyntip u wa ini i jooh da jia i ha u snem 2022, heiwa da Regularised palat 3,000 ngut kiwa kreh kiwa da thung kam ki Adhoc ha ki Sanctioned Post wei kani ka rai man ko katkam ka hukum wa da pynmih da ka Supreme Court wow pynman kam kiwa kreh sorkar wa pura ya kiwa da thung chwa u snem 2008.
Kamtæ deiwa bood yeini wei katkam ki kyndon wa pynemkaam ha u snem 2022 hi, ka sorkar da rai ko wow leh yei jooh ya ki Nurse kiwa da thung chwa u December 2007, yow pyntikna waroh kiwa kreh yoh ki i jooh i su wa i myntoi kiwa toh hok u yoh.
Discussion about this post