Chirup i yakrehlang wa ka Gold’s Gym, ynnin ka sngi ka All India Association for Advancing Research in Obesity (AIAARO) da pynman ko ya ka sylli ya i chait i khiah deiwa pynman ya ka Diabetic and Metabolic Awareness and Prevention Camp ya ki bru ha Indoor Stadium ka Nehru Sports Complex, Guwahati.
Katkam wa man katni i sngaaid palat pood ki bru toh iwa ktah bha ya i chait i khiah yong ki iwa ye leh wow wanrah ya ki kjut wa har rukom.
Kamtæ da booh thong wow sylli yei chait ki bru hadooh 1000 ngut ha i por wa chi tayaaw heiwa daw sylli ya ki heiyatoh waka Blood Sugar, HbA1C, Blood Pressure, Body Mass Index (BMI), ECG, Fibro Scan, Lipid Profile, Uric Acid wa kiwi kiwi.
Katkam wa yaklam wa u Director ka Gold’s Gym ha Jowai da pyntip wa daw pynman leh ya kam kani ka Screening ha Jowai khang wow wanrah ya ka imlang sahlang kawa chait wa khlan wei ya ki tarik daw pynbna hadien.
