U Samborlang Diengdoh uwa man uwa pynlai ya kawi ka Petrol Pump ha nongbah Shillong da ong u wa ka dan wa hap ki wow su waroh toh 18% cha ka Central Tax, katwa ka sorkar jylla chim dan ko na i Diesel 22% wa i Petrol 31%, wei ini i chim dan ka sorkar jylla da heh ware ko, deiwa pynrap leh wa la man katwa man ka sorkar toh u chim ko ymtoh u tam ya ka 18%.
Hawa kylli da ong u wa i su dan ki Petrol Pump cha ka sorkar toh man ka soo bnai (Quarterly) ha ka chi snem, wei chisien su man ko T. 1.20 klur, iwa mut wa ha ka chi snem i su dan kawi ka Petrol Pump ha ka jylla cha ka sorkar man i kamwa T 5. klur.
Da ong u wa i pynhiar ka sorkar ya i dor phniang kari da T. 2 ym em yumut i lada pait ya i rukom pynku dor, heiwa ka sorkar heipor wa pynku ko ya ka dan i Diesel na ka 13.50% cha ka 22% wa ya i Petrol na ka 22% cha ka 31% da pynku syndet syndet.
U Sambor toh uwi na ki tre Petrol Pump wa da lai ksohkti ha i yakhih ka Meghalaya Joint Action Committee of Commercial Vehicles hajrong i ku dor i phniang kari.
