Jowai: Ynne ka sngi ha Shillong da pynkai noh yei tpai u (T) Atal Bihari Vajpayee ha ka wah Umshyrpi, Shillong.
Ya i tpai u Vajpayee da pynkai ha waroh ki wah wa em ha ki jylla ka thaaiñ mihsngi kamjooh ka ri hi waroh kawi.
Ya u luta wa em i tpai u Vajpayee da rah na yung krehkaam ka BJP iwa em ha Oakland Road cha Umshyrpi hei emlang ki heh ka BJP kam u Nalin S. Kohli, BJP MLA uwa man leh u kontri ka sorkar jylla u AL Hek wa kiwi kiwa kitkaam ka party hapoh jylla.
Hawa rah ya i tpai kiwa kreh ka party da kbai ki “Jab Tak Suraj Chand Rahega, Atal Ji Ka Naam Rahega” iwa mut kat dang che ka sngi wow bnai kattæ u neh i pyrtuid i naam u Vajpayee.
Manda poi ha rood ka wah Umshyrpi, u BJP President, Meghalaya, u Shibun Lyngdoh da chim u ya u luta wei da pynkai u yei tpai ha kani ka wah.
Discussion about this post