Kat iwa klam O da pynkylla khangtleiñ lut, ong u Prestone

U Symbood Montri Rangbah ka jylla, u Prestone Tynsong da ong u wa ym phær lada ki paralok wa maya kwah ki wow chna dur bula ya u Bahduh Prestone, neibhah kat iwa klam u da pynkylla khangtleiñ lut, heiwa da ong u wa u Montri Rangbah wa u Symbood Montri Rangbah da em bait ki du i kaam wow leh wei wow chakri ya ka jylla Meghalaya.

U Symbud Montri Rangbah da klam u ya kini ki kyntien kiwa rap eh ha ka yalang booh mooyurim kawa da pynman ha Pynursla ynne ka sngi, ha kawa da pynman leh yei e yarap lyngba ka FOCUS wa FOCUS Plus. Ha kani ka yalang da emlang leh u Montri Rangbah, u Conrad K Sangma, u Dasakhiatbha Lamare uwa man u Montri ha ka sorkar, ka GM Kharpuri MDC wa EM ka KHADC wa u Lamphrang Blah MDC uwa man leh u Chairman ka KHADC najrong ki sahep yong ki chnat sorkar waphær waphær kiwa yahkhmat chnong wa ki paidbah.

Ha kani ka sngi neiliang u Montri Rangbah wa u Symbood Montri Rangbah da wai ki leh ya ki mooyurim yong 5 tylli ki kaam pynroi yong ka thaaiñ Pynursla, wa kynthup ya ka Mini Secretariat, ka C&RD Block Building, ka Eklavya Model Residential School, ka Football Stadium ha Wahlyngkhat wa ka yung krehkaam yong ka Pynursla Division PWD (Roads).

U Prestone uwa man leh u MLA yong ka Pynursla da ong u wa ka chakri yong oo ym toh du ha Pynursla, tangwa ha waroh kawi ka jylla wa kynthup ya 60 tylli ki Constituency. Da ong wa phi ki paralok lada kwah phi wow chna Drama to chna katwa mon wei ki paidbah sa du ar bnai tam daw e ki yei jubab.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da ong u wa i chah pynbaad ka wym man dei wow yaklam, tangwa da pynsñiaw u wa ki khynroo khyllood, ki manbei manpa yonh ka thaaiñ Ri War da yimphoo ki ya kiwa boon ki kyrkhu wei ynne ka sngi da mankaam, neibhah ka College da wanrah, ka yung krehkaam da wanrah wa kiwi ki kaam pynroi.

Da ong wa ki paralok ki wym pu hun biah sia lieh sia yong ki ya u Conrad wa ya u Prestone, nadooh u Duiyatra (Jan), ki kaam daw lai ki ha ka thaaiñ waroh kawi, wei lada ym sñiawthooh ki yei yumut ye ki wow yachem wa u Prestone.

Ha kani ka yalang kawa heh da wanpoi da ki hajar ngut ki paidbah, da yoh leh yei klam na u Montri Rangbah ka jylla, u Conrad K Sangma uwa da beiñ ya ki bru kiwa pynbaad pyrchah ya ka sorkar khamtam yei pynkrehkaam ya ka FOCUS. U Conrad da pynsñiaw u leh yei thmu yong ka sorkar wow wai ya kini ki 5 tylli ki kreh toh neibynta wow wanrah yei chakri kawa jan cha ki paidbah.