Ka VPP ynne da pyntip ko wa kat wym pu pynbna ka sorkar jylla wa da thung da ka Expert Committee yow pait, yow sylli biang ya ka Reservation Policy, neiliang u Ardent Basaiawmoit daw pteiñ u yei chah thngan.
Neiliang u General Secretary ka VPP, u Dr. Ricky AJ Syngkon da pyntip u wa kat hadooh wym pynbna ka sorkar yeini, u Ardent u pteiñ u yei chah thngan.
Kam wow pynkynmoo wa ynne ka Committee wa da pynbna thymme da ka sorkar wow chong yaklam, yatai hajrong ka Reservation Policy deilang waka Roster da yachem ki wei da ya phyllu ki palat le kynta.
“Da chim yei rai da waroh lang wei da mynjur leh wow thoh cha ka sorkar yow thung noh da ka Expert Committee ka wow em da ki bru wa chemphang hajrong ka aiñ wei i rukom krehkaam ka riti synchaar hapoh ka ri”, da ong u Syngkon.
