U Working President ka United Democratic Party (UDP) uwa man leh u MDC na Sohra, u Titosstarwell Chyne da ong u wow man kam kiwa yahkhmat ym mut wow pyrchah bait, wow kdaw kti bait wei wow lai pyntieñ kohtympan ya ki paidbah.
Da ong u leh wa kam kiwa yahkhmat ymtoh wow pynyoo du yei eh donhi, neibhah kam kiwa yahkhmat hap wow pynyoo wa i em i yei kitkhlieh kammon wow pynbait yei eh”, da ong uni uwa yahkhmat ka UDP.
Da ong u wa ha kini ki sngi da yoo wa em kiwa yahkhmat toh kiwa pyntieñ paidbah donhi kiwa da khana du yei eh donhi tangwa ymtip won ki u khana kammon wow pyndooh yei eh. Wei kam kiwa yahkhmat toh u kdaw u pynyoo kammon wow pynbait yeiwa eh.
U Titos da ong u wa toh i kaamram yong ki MDC hawa em ki ha ki District Council yow chna aiñ, wow yada yei khyndaw u chyiap deilang ka riti ka dustur hadooh i rukom kheiñ kur kheiñ kha.
U Titos uwa man leh kam uwa yahkhmat ka Liang Pyrchah ha ka KHADC, da ong u wa ha ka Election kawa katni, ka UDP sñiawskem ko wow yahkhmat ya ka Executive Committee wa thymme. Da kdaw u leh wa du ha kani ka samoi krehkaam wa katni wa ki MDC wa jop na ka UDP ym em yut seiñ ki kam nachwa heiwa ki MDC da kylliang Uniform ki 3-4 tylli hapoh 5 snem.
Discussion about this post