Shillong: U montri ka kaam pohyung ka jylla u James Sangma da ong wa i drug katwa em hi kiwa dih ki, kiwa khayi drug daw chem laad bait ki wow pynpoi ya ki drug deiwa pynrap deiwa ong wa kiwa dih drug ym toh u daisarom wei ym toh u kyntait ya ki.
“Ki pulit u pteiñ ki wow leh yei kaam yong ki wow kem ya kiwa emkti wow kahyi wei wow dai drug,” da ong u James.
U montri da ong u leh wa ka imlang sahlang leh em ki i bynta wa emkaam u leh heiyatoh wa kani ka kaam.
“U daisarom, u beh chnong ym toh ka luti wow yaleh pyrchah ya kani ka kaam wei lada kwah wow yarap emkaam wow pynchlur ya kiwa dih drug wow lai thooh yarap yow yoh sumaar ki,” da ong chooh chooh u.
Katkam wa sñiaw u montri, i yarap wow pynkylla u pynchait ya kiwa dih drug ym toh kawa suk wei man ko leh kawa chimpor wei ym du ka imlang sahlang kamjooh ka sorkar em ki jar jiar ki bynta wow leh yow pyndooh jait ya i dih drug.
Hawa kylli wa ya kiwa dai drug wa khayi drug u booh ya ki ha ka jooh ka kyrdan wa ki dkhot ki seiñ keiñ suloi, u James da ong u kini ki ar jait yaphær bha ki.
“Waroh hap yaleh ya ki da ki jar jiar ki luti yow pynbait ya ki,” da ong u montri.
Hawa kylli wa lada em iwa duna ha ka aiñ NDPS Act, u James da ong u wa em bait ki moochynthut wei chong kammon yaleh i wow kreh neibynta kani ka kaam.
“Da em ki kyndon wa ki rukom krehkaam wa da pynkrehkaam wei i lai i katkam ka aiñ yow yaleh wa kani ka kaam,” da ong u James.
Discussion about this post