Jowai: U Kynjaimon Amse uwa man leh kam u muktiar ha Khliehriat, ynne ka sngi da thoh u cha u DC ka EJHD neidaw wa joor i sih u sarok bah NH-6 ha ki bynta ka Lumshnong-Ratacherra kawa ym pu em slem wa dep pynchnna thyme da ka NHAI lyngba ka GRIL.
Haka chithi da ong wa da pynlut da ki spah klur tyngka yow chna ya uni u sarokbah NH-6 na Jowai chadooh Malidor tangwa katni da yoosarom wow yoo wa em u sa du ki thlu wa heh wa heh deiwa kam toh wa ym em biang chna ka GRIL ya kani ka sarok iwa da ktah ya ki paidbah.
Da ong ha kani ka chithi wa da boon ki kari wa da sih neidaw wa sih kani ka sarok wei da wanrah ko leh yei ya tyrrah kari.
Chooh chooh u Amse ha ka chithi u da ong uwa ka i chim bai lai bai wan haki Toll Gate dang pteiñ hi ki tangwa u pynchna ya ka sarok won ym em leh ki wei lada ym ye u pynmiat pynbha ya u sarok, ya ka Toll Gate wa em ha Lumshnong leh toh u khang noh ka.
Discussion about this post