Uwa yahkhmat Indian Youth Congress da dung u ka ka chna u hadooh 7 sien da ka tari heipor sngi ha thaw paidbah ha Neemuch, Madhya Pradesh ha ka sngi balang kani ka tayaaw.
Uni u bru hadien wa da yoo u wa da mynsoo joor kani ka bru, da phet u na ini i thaw wa jia.
Ha i Video wa riñ ki paidbah, da yoo wa kani ka bru da thiah ko ha khyndaw deiwa kai snaam katwa uni u bru da kbai u, “Chet chukor ko nga, kini ki kynthai kwah poisa donhi ki. Katwon ngut ki chan em pho? U Ayan, u Ryan, u Azad, u Harshit.”
Ya kani ka bru da wan wow kit ka cha ka District Hospital da ki pulit wei da kit won da kiwa ha-yung ko cha ka thaw sumaar ki bru samen heiwa da lait ko nei maa.
Ki pulit da kem ki ya uni u bru uwa tip kam u Kuldeep Verma (23 snem) wei dang takit yei daw wa thmu u wow pynkut syndon yei mynsien kani ka kynthai.
Kani kawa chah dung toh kawa dang 20 snem kawa chong chnong ha Bohra Bazaar katwa u chynrang won toh uwa chong chnong ka Kesarpura wei uwa yahkhmat ka Indian Youth Congress.
Kiwa sakhi ya ini wa jia da ong ki wa kini ki ar ngut toh kiwa yieñ deilang ha lait ka Park wei da yamai ki heiwa u chynrang da sai u da ka tari wei da sdang u wow dung ka kani ka bru kawa da kiad tangwa ym em wa nood u rap ka næ wow ksoh ya uni u chynrang.
U Kuldeep toh uwa jooh man kam u President ka NSUI ha Gyanodaya Mahavidyalaya wei ini wadep da man u kam u dkhot ka District Executive ka Youth Congress.
Ya ini i Video ye phi wow pait heini ha wah:
Discussion about this post