U montri rangbahdooh ka ri, u Narendra Modi ynne ka sngi da wai paidbah u ya ka rel ki warep kawa 100 hapoh ka ri namo ka Kisan Rail na Sangola ha Maharashtra cha Shalimar, West Bengal lyngba ka Video Conference hei emlang ki montri ka sorkar pyrdi, u Narendra Singh Tomar, u Piyush Goyal wa kiwi kiwi.
U Modi hawa e i klam ynne ka sngi da ong u wa ka Kisan Rail toh ka bynta wow yarap pynduna yei lut ki warep wow pynku yei yoh i la yong ki.
Da pynsñiaw u leh yei mynsien wa kmen wa wot hapyrdi i em ka khlam COVID-19 leh da pynlait hadooh 100 tylli ki Kisan Rail hapoh 4 bnai.
Da ong u leh wa ka Kisan Rail pynyoo ko ya i angnood ka sorkar pyrdi wow pynku ya ki kaam ki warep hapoh ka ri.
U Modi da pyntip u leh wa kini ki rel wa kyrpang da em ki ya ki Cold Storage wow pynneh ya ki mar wa py’ut mam ki soh, ki jhoor, i dud wa kiwi kiwi.
