Kawi na kiwa pyrchah yei pynlait paidbah yei Marks kiwa yaleh MCS toh ka khon u Secretary ka MPSC

Ka KSU da pyntip ko wa da yoh ko ya ka chithi kawa da poi ha yung krehkaam ka seiñ wa em ha Jaiaw na ki bru wa da kam toh kiwa yaleh MCS wei kiwa da chah jied leh wow yaleh sa ka MCS (Mains) Exam wei ki toh kiwa mih pyrtuid ha ka thup wa nyngkong wa em 580 ngut.

Ha kani ka chithi da ong ki wym kwah ki wow pynmih pyrtuid neidaw wa tieñ ki, tangwa da e khublei ki ya ka KSU yei yakhih ko heiyatoh wa i kynrum kynram wa mih hei pynman ya ka MCS da ka MPSC.

Kini kiwa phah chithi da kam ki wa hadien wa pynmih ya ka thup wa ar wa em sa 62 ngut ki wow yoh u yaleh ya ka MCS (Mains) Exam iwa da pynman ya ka seiñ wow dawa pynmih pyrthai ya ki Marks heiwa ka MPSC leh da mynjur ko tangwa da mih i pyrchah da kiwi yaleh MCS, wei kawi na ki 6 ngut kiwa pyrchah yeini toh ka khon u Secretary ka MPSC kawa da soi lang ya ka chithi wym toh u pynmih paidbah ka MPSC yei Marks kiwa yaleh MCS.

Ha kani ka chithi da pynbaad leh wa kani ka khon u Secretary ka MPSC toh kawa da dep chah jied hei kreh LDA wa dang dep pynbna Result ka MPSC ha u Naiynñiaw uni u snem, kamtæ da ong ki wa em boon bha ki kaam leh chiliang hapoh ka MPSC.

Related posts

Yoh pynlait ka KSU Delhi Unit sa kawi ka kynthai na East Jaiñtia Hills kawa da em hei maa

May 14, 2025

Lai pait u Conrad ya ka paikhana skur wa chna da ki Plastic wa da noh

May 14, 2025

Kamtæ da pynchlur ki ya ka KSU wow pteiñ ko yei yakhih yow yoh sakhiat da kiwa toh hok wow yoh yeini i kreh.

Puræ leh: Pyrchah kiwa yaleh MCS wow pynyoo paidbah ka MPSC ya ki Marks