Kayi ka ka Women’s Day

Da: Ka Waisa Sumer 

Ka International Women’s Day man ko ka sngi kawa kynmoo burom satlak pyrthai ya ki Kynthai neibynta y yoh bhah wei embynta ki, wei i jop yong ki kam ki kynthai ha kiwa boon bah ki bynta, ini kdaw i ya waroh ha satlak ka pyrthai khlem pait yei chnong i thaw, khlem kdaw yei yoh i la, i ktien i klam, ki dustur riti, ka niam ka rukom yong kiwi næ ki kaam saaiñ pyrthai yong ki.

Ka kynthai hi daman ko kawa da chna da thaw chwa da u Blai hi uwa da booh cha sla khyndaw pyrthai u chynrang waka kynthai.

Ki hukum ki yong oo, ha waroh kawi ka pyrthai da pynheh pynyaar yeini i pyrthai lyngba ka luti chongkha chongman.

Kamtae, ka kynthai hi da chna ya ka u man ko kawa da booh kyrpang yow man kawa kha, kawa pynroi yeini i pyrthai. Man ko ka Bei yong ka yung.

Ka em ko ka yukit kawa khia ha samen samen, ya ka yung ka sem, kamjooh yaka imlang ka sahlang.

Nachwa nalap man hi-eh ko kawa pun wa kha, wym hoi u kaap ko tang yaka ta-ksaw i leh. Katwon tam yei stat i tip, i embynta ko haka chnong ka thaw, i mih li khih li khan næ i embynta ha ki kaam saaiñ pyrthai, kini waroh da kheiñ ki wym hoi yaka kynthai u embynta ko.

To yn kyruiñ i kajiak kammon mih ka sngi yong ki kynthai, iyi wa sdang yaka wei iyi i thmu cha lyndet.

History of Women’s Day: Nyngkong dooh mih yaleh yaka Women’s Day toh hei bynta iwa pyndooh hok ki iaki kynthai u ya embynta haka Election, u chimbynta haki kaam synchaar paidbah.

Nachwa bha, ka hok yow yoh u thap Vote da e bhah du ya ki chynrang hi, khut ki ka ka Manhood Suffrage. I daw hi wa kheiñ ki wa ki kynthai toh kiwa kha wa pun donhi, u pait ki yaka yung ka sem, ki khon ki kti, i khooid i jngiar ha yung wa kamtæ ter ter.

Nyngkong dooh ki kynthai yakhih ki neibhah wa em i yoobeiñ ya ki, hei khih i kreh chiboon kynta, i su iwa duna, ka hok yow thap Vote leh ym yoh ki, wot ha ki ri yong ka pyrthai kiwa che bha leh, i yoobeiñ ya ki kynthai em bait i.

Kammon mih ka Women’s Day:

Nyngkong dooh ki kynthai da em i sñiawsih, i sñiaw yam rem ki, yeite i kheiñ yoobeiñ ya ki, i pynyaphær ya ki wa man ki ki kam kitæ kiwa tlotbor, ki wym ye u pynyaryngkat dor wa ki chynrang hei bor pyrkhat næ hei bor i doh i pran. Kamtæ da sdang i yakhih nadooh ki snem 1848 hapoh United States da kiwa boon ki kynthai heitæ i por neibhah wym chah ya ki u yaklam ki ha ki yalang kawa khut ki ka Anti-Slavery Convention. Kamtæ mih ki kynthai kam ka Elizabeth Cady Stanton, ka Lucreta Mott, ya pynlang ki para kynthai heitæ i por yow dawa ki yei hok yong ki wa khut kikam ka “First Women’s Right Convention” ha New York. Kamtæ da tylli ki yow yoh ki yei hok ha waroh ki bynta nadooh ki kaam niam hapoh ka imlang sahlang, ki kaam synchaar khadar kamtæ ter ter. Neini sdang u mih i iakhih næ u moomær wa booh dak yei yakhih ki kynthai.

Kamtæ, nyngkong ka Socialist Party yong ka America da leh burom nyngkong ki ya kani ka sngi ha u snem 1909 Feb 28^th da ki kynthai, neibynta yow ya kyrchaan ki para kynthai.

Hadien neitæ wa em ka Russian Revolution, ki kynthai leh da ya mih paidbah bha ki, hadooh wa da booh yaka 8^th March ka sngi chuti hapoh ki ri yong ki, khamtam hapoh Europe wa ha ki ri Communist.

Right to Vote: Nachwa na lap, ka hok wow thap Vote da e du ya ki chynrang, kawa tip kam ka Manhood Suffrage. Hadien wa da em ka yaleh kawa joor bha, yoh won ki kynthai yei hok ki u thap Vote, kawa ong ki ka Womenhood Suffrage. Wot ka United States kam kawi naki ri kawa da che yong ka pyrthai dang yoh ki kynthai u thap Vote haki snem 1920.

Ka United Nations waka Women’s Day: Ka United Nations man ko ka seiñ ka wow kreh neibynta wow ye u wanrah yei yatylli yong ki ri ka pyrthai, kamjooh u pynyasuk yow yoh yei suk ymtoh du heipor thma, kamjooh leh ha kiwi tawon ki bynta wa yatoh wei bha i miat ki khynnah, yow pynbha yaka mariang, yow pait yei eh ki kynthai, wa kamtæ ter ter.

Ha kani ka Program, ka United Nations chim ko yaka rai kawa khlan bha lyngba ki mat krehkaam ki yong ka ha u snem 1945, wa emkaam u em i sñiaw ya ryngkat lang hapyrdi ki chynrang wa ki kynthai ong ki “Principle of Equality between Men and Women.

Kamtæ ka United Nations pynbna ko wa haka 8^th March u man ko ka International Women’s Day wei yeini da rai nadooh u snem 1975.

Ar snem hadien neitæ ha u snem 1977, ka General Assembly yong ka United Nations e laad wan ko ya ki ri yong ka pyrthai u jied ki ya kawon kawon ka sngi kawa sñiawsuk yow buh ki ya ki bynta u yaklam ki ya ki hok yong ki kynthai, katkam ki thaw kiwa ki hi im ki, ka jooh ka dustur ka riti yong ki.

Nadooh na kini ki por hadooh katni, kynmoo burom ki yaka 8^th March kam ka International Women’s Day, satlak pyrthai, heiwa da pynman chiboon jait yalang. Iwa sñiawsuk ware man i, wa ka United Nations embynta ko kam kawa yah luti, neibhah da booh ko daka hi ka phang pyrdi yow suk u krai, yow yaar bha i sñiawthooh ya kani ka sngi. Kam ka nongmuna ha ki snem wa dadep, booh ko

2020: “I am Generation Equality: Realizing Women’s Rights.”

2021: “Women in leadership- Achieving an equal future in a Covid-19 world.”

2022: ”Gender equality today for sustainable tommorow.”

Ha uni u snem ka phang pyrdi namo ka Theme yong ka United Nation man ko “Invest in Women;Accelerate progress.”

Katwa ka Campaign theme won “Inspire-inclusion.”

E khublei Women’s Day ya phi waroh.

8 tarik u nai Wisu sngi sah parom ya i

Ka United Nations da booh mot ya kani ka sngi

International Women’s Day ka sngi ki kynthai

Dei kynmoo warom i satlak ka pyrthai satlak ka pyrthai