Kayi ka Nobel Prize? I pynche wa tbian khamtam hadien wa e kti ya ka Peace Prize cha u Trump

Ka Nobel Foundation man ko kam kawi na ki seiñ wa pawnaam bha ka pyrthai kawa e ya i burom wa heh dooh ha ka pyrthai ya kawa tip kam ka Nobel Prize.

Ya kani ka Nobel Prize da bhah ha kiwa boon bynta wei da e kti ya ka cha ki bru kiwa da kreh ha ki kaam wow myntoi bha ki paidbah ka pyrthai heiwa da bhah ya ka ha ki kyrdan wa kynthup ya ka Physics, Chemistry, Physiology næ Medicine, Literature wa Peace.

Ya kani ka khusnaam da e katkam i raikut e sñiawbha khaddooh (Will) u Alfred Nobel uwa man u bru wa na Sweden wa im ha ki snem 1833-1896 wei man u u bru wa chemphang kam u Engineer, Chemist wa uwa kreh monsñiawbha heiwa da man u leh u bru wa chem ya u Dynamite.

U Alfred da man u leh u bru wa sdang chna (Inventor) ya ki mar wei da em 355 tylli ki Patent hapoh i pyrtuid yong oo.

Heiyatoh wa ini waroh khamtam hadien wa e kti ka Maria Corina Machado ya ka Nobel Peace Prize wa yoh ko ha u 2025 cha u President ka USA, u Donald Trump ha kani ka tayaaw da mih i klam na kiwa boon har rukom ha kylleiñ ka pyrthai. 

Related posts

Kyntu ka seiñ Hindu ya ka USA wow chimkhia yei chah thombor ha Bangladesh wa Pakistan

January 18, 2026

Da ka madan Basketball wa rap biang ya ka Loompyrdi Iongpiah kular u Wailadmiki deiwa chimbynta leh ha ka yalehke

January 18, 2026

Hajrong ini waroh neiliang ka Nobel Foundation da klam che ko wa i kaamram ko toh wow yada wei wow pynneh yei burom ki Nobel Prize wa ki bor pynlai ya ki (Administration) deiwa pynrap wa u pynneh ko yei raikut e sñiawbha khaddooh u Alfred.

Da ong ko wa ya i burom ka Prize u e cha ki bru wa leh ya ki kaam wow pynmyntoi ya ki bru ka pyrthai chiboon katwa kamtæ ya ini i burom ymye wow e pateiñ næ wow saam won ki cha kiwi tawon ki bru.