Ki chipai ka Assam Rifle ha Manipur da yoh kem ki ya i drug Brown Sugar wa chongdor kamwa T. 72 lak iwa da ieh wei da murieh ha kawi ka thuk thuk (Kenbo) kawa da ieh ha iwi i khloo ka Tengnoupal District haka 18 tarik uni u bnai.
Kam wow pynkynmoo wa ki thuk thuk Kenbo toh kiwa chna ha China kiwa da wanrah pyrchah yaka aiñ na Myanmar wei heiwa boon ki por da pynemkaam yaki wow kit Drugs hadooh wa ini wadep ka jylla Mizoram da khang ko wow pynemkaam ya kini ki thuk thuk.
Haka 17 tarik won, ki Assam Rifles deilang waki pulit da kem ki ya uwi uwa dai Drug na Supply Colony, Dimapur, Nagaland heiwa na oo da yoh wow kem 210 tylli ki dawai kuli Spasmo Tablet wa i Brown Sugar deilang waka poisa wa T. 1,82,150.
