Shillong: Ki ar tylli ki seiñbhalang wa ha ka thaaiñ Ri-War, ka HYC-Riwar Mihngi Circle hapoh i yahkhmat u Organising Secy. u Macfairson Dkhar wa ka seiñ HNYF-Southern Ri-War Circle hapoh i yahkhmat u President, u Reason Lymba da yoh kem ki ya ki nong Bangladesh wa wan psiah tooh cha India na Shnongpdeng, West Jaiñtia Hills.
Hadien wa takit bniah ya kini ki arngut na ri Bangladesh kiwa tip kam u Mahmmad Tubelmia wa u Mahmmad Apdul Rahaman da ong ki wa wan ki na ka chnong Dungria Sanamgon ha ri Bangladesh.
Da phla ki wa wan ki cha Ri-loom Khasi Jaiñtia dei thmu wow khih mylla wei ya kini ki ar ngut da ekti noh ya ki cha ki bor ka aiñ
Ki ar seiñ da kyntu ki ya ki bor ka aiñ wow paitsiar bha khamtam ha ki thaaiñ khappood neibhah ki paidbah ka thaaiñ dei langær chem ki ya kam ini i wan psiah tooh ki nong Bangla cha kani ka ri wow leh ya ki kaam pyrchah aiñ wow pynjæd tympra ya ki bri.
Neiliang ki seiñ da pyntip ki leh wa daw lai yachem ki ya ki bor wa toh u pait yeini khnang wow wanrah yei chngaaiñ ha ki paidbah ka thaaiñ.
Discussion about this post