Ka Jaiñtia Students’ Union Mynso Unit ynnin da kem ko ya ki truck wa kit palat pood i khia wa lai lyngba ka yingkieñ Wah Myntang kawa em hapoh ka chnong Mynso.
Kiwa kitkaam ka seiñ da ong ki wa kini ki truk kiwa da kit palat pood toh kiwa em ya u number ML 11 2113 wa ML 04 B 1999 wei kit ya u chyiap u Lakhon Phawa.
Ka seiñ da ong ko wa kani ka yingkieñ man ko kam u budloom ki chnong kiwa kynthup ya ka Thadialong, Samatan, Shiliang Myntang, Thangrain, Barato wa kiwi kiwi wei wa u Distict Magistrate ka West Jaiñtia Hills leh da pynkrehkaam u da ka Section 144 CrPC wow khang ya ki truck wa kit palat ya ka 9 ton.
Chooh chooh ka seiñ da phylla ko wow yoo wa em ki bru samen kiwa leh pyrchah ya ki bor ka aiñ wei wym mano ki ya ki hukum ka sorkar.
Ka seiñ hadien ini da ujor noh ko cha ki bor pulit ka Phramer wow leh yeiwa emkaam hajrong kini ki truck.
