Shillong : Ka Khasi Students’ Union (KSU) da kem ki ya uwi u nongkhayi na New Fashion kawa em ha Khynde Lad, Police Bazaar ya uwa da tip kam u Abdul Mukit.
Da kem ya uni u bru da ka seiñ hadien wada yoh ki ya ki ujor na ki kynthai kiwa kreh wa oo deiwa leh khlemakor u ya ki. Katkam ki ujor da kynnoh wa jooh leh khlemakor u ki deiwa pynyoo ya ki yei bynta chynrang yong oo iwa da pynbor ya kiwa boon u ieh ki yei kreh yong ki.
Katkam ka yutip uni u jooh u bru jooh leh khlemakor u ya ki kynthai kiwa kreh wa oo ha u snem 2013 tangwa da lait u hadien wa duna ware ki sabut tangwa ha kani ka kynti da biang lut ki sabut hadien wa da riñdur (video) deiwa rieh.
“Deiwa yoh ya ki sabut wa riñdur i, da lai yachem i wa ka tnat kynthai ka seiñ KSU heiwa da khana ki yeiwa jia waroh” da ong kini kiwa kreh kiwa man leh ki kynthai Khasi.
Mar ya yoh yutip ki dkhot ka seiñ KSU da lai li kem ki yow Munit na dukan yong oo wei manda yoo u yeini u Munit da pyrchang u u yut wei manda kdong da kem noh ya oo na Iewduh, Shillong.
Katkam u General Secretary ka KSU Mawlai Circle u Rapborlang Nongrum, da ong u wa ini man i iwa pyrchah ya ka imlang sahlang wei ym e lad de ko kam ini i kaam.
Da e kti ya u Munit cha ki pulit yow pynchitom ya oo katkam ka aiñ.
Hadien ini ki pulit da lai kem kylla ki ya u Rapborlang Nongrum GS ka KSU Mawlai Circle ynne ka sngi wei dang thooh ya kiwi ki dkhot hadien wa phareb u ka kurim u Munit ka wa da jrong kti wei da dat ki oo.
Discussion about this post