Hadien wa ka Dorbar Chnong Tympang Iawmusiang da maham ko wa nadooh ka 29 tarik lada chem biang ya kitu kiwa chongdai ha ki luti lai kjat, daw pynchitom ya ki katkam ki aiñ ka chnong heiwa da khang wow leh ya ini nadooh na Police Point hadooh ha H.K. Singh Memorial School.
Kamtæ ynnin ka 29 tarik, neiliang ka dorbar chnong da yoh ko wow kem noh ya ki mar kiwa chongdai ha ki luti wa lai kjat namo ki Footpath kiwa em 8 ngut.
Ka dobar chnong da ong ko wa ya ini da leh toh yow pynkyllooid ya ki luti lai kjat ki paidbah khamtam kattu wa da sdang leh ki skur.
Kam wow pynkynmoo leh wa neiliang ka Dorbar Chnong Tympang toh kawa da kreh chitom bha nadooh wa chwa u kut u 2020 wow pynkhooid yaka Iawmusiang wei wow pynneh leh ya ini i khooid hadooh wow pynchitom ya ki bru kiwa noh roi ya ki jhep yong ki.
