Ki BSF Meghalaya da pteiñ ki yei yakhun pyrchah ya i khayi tooh ya ki masi wa u rasun cha chiliang u pood ka ri wa ka Bangladesh heiwa ynnin ka sngi da ksoh ya ar tylli ki Pick-up wa kit masi wei da yoh leh wow kem ya u rasun wa chongdor palat Rs. 15 lak iwa da jia ha South Garo Hills District wa ha East Khasi Hills.
Ya kini da yoh u kem hadien wa da tip tikna wa daw leh ki yeini i kaam pyrchah aiñ heiwa kini ki Pick-up Truck toh kiwa em Number ML-08K-3955 wa AS-18AC-7177 kiwa kit 40 tylli ki masi wow chalan tooh cha Bangladesh tangwa da chah ksoh ki ha ki chipai ka 22 Bn BSF wa em ha khappood ha South Garo Hills.
Ya kini ki kari wa ki masi da e kti cha ki bor pulit ha jar jiar ki Police Station wow leh yeiwa emkaam.
Ha iwi tawon i jia, ki chipai ka 110th Bn BSF da kem ki ya 5,320 kg u rasun uwa da murieh ha khloo ha khappood ha East Khasi Hills wei ya uni u rasun leh da e kti cha ki bor pulit wow leh yeiwa emkaam.
Discussion about this post