Kem ki pulit ka Kerala ya kiwa na Assam kiwa tynyap pyn ya ka khon wa dang 10 sngi

Ki pulit ka Kerala na Perumbavoor da kem ki ya ki chijur kiwa na Assam hadien wa tynyap ki ya ka khon kawa dang 10 sngi i rta wei da noh ki yei metyap yong ka ha rood ka wah Mudikkal wa em ha Ernakulam District, Kerala

Ya kini ki chijur da tip kam u Maksidul Islam waka Mushida Khathoon.

Yei metyap yong ini i khonboo da chem wa da song ha muna Plastic wei da noh ya ka hajan ka wah Mudikkal ha ka 8 tarik u Naichiphaw.

Hei takit ki pulit, da chem wa kini ki chi jur kiwa da yachong kurim tangwa ym pu em bia ki, da tynyap ki ya ini i khonboo deiwa ksih neidaw wym pu em kwah ki wow psa khon.

Related posts

Yoh kem ki pulit i Heroin wa Rs. 40.8 lak na ki ar ngut ha Umkiang

February 24, 2026

Yoh kem ki pulit yei drugs wa chongdor palat 55 klur | Yut u snar khayi drugs na yung wa sah ha Shillong

February 23, 2026

Ki pulit nyngkong da thooh ki ya ki kynthai wa punkhon kiwa em ha kani ka thaaiñ wa chem yei metyap i khonboo iwa da yah ya ki cha kani ka kynthai kawa kreh ha kawi ka karkhana Plywood kawa dang dep pynkhon tangwa da yut noh ko cha Assam deilang wa u kurim hadien wa jia ini wei hadien wa pynjoor yei takit da chem yei thaw sah ki ha Assam wei da lai kem noh ya ki.

Kini ki ar ngut da yachem ki ha Kerala hadien wa dang dep yalait kurim ki wei da sdang ki wow ya sahlang da rap slem.