Katkam wa pyntip da u Senior Superintendent of Police ka Ri-Bhoi heiyatoh wa ka ujor wa da pynbaad wa em uwi u pulit Assam, uwa da thmu wow slaitbor ya kawi ka khynnah khian ha kawi ka chnong ha ka thaaiñ Block-II kawa dang haap hapoh i pait ka Mawlasnai Police Outpost, da lai kem noh ya uni u bru.
Yeini da chimkhia da ki pulit na Meghalaya ynnin ka sngi kiwa da lai cha Lumding, Assam yow kem ya uni u bru wei ynne i janmiet da wanrah noh cha Nongpoh Police Station, wei uni u pulit ka Assam wa da chah kem da tip pyrtuid kam u Projen Langthasa yong ka 18th Assam Police Battalion.
Ya uni u pulit ka Assam da Register Case ha Nongpoh Women Police Station, hapoh ka Case No. 45(08)2025 wei kiwa da pynngat ya oo ha ki Section 3(a)/4/5(a)(iv)(m)/6/18 ka aiñ POCSO Act.
Ka takit hajrong ini wa jia dang lai ko chakhmat wei ki pulit daw phah ki ya ka Report kawa mih na kani ka takit khnang wow yoh ki u leh yeiwa emkaam.
Ha iwi won i liang, ka kyrwoh na u heh pulit ka Ri-Bhoi da e khublei u ya waroh ki sahep na ka sorkar Meghalaya wa na ka jylla Assam leh kamjooh, neibhah wa da chimkhia hajrong ini i kaam.
Puræ leh: Thmu u pulit Assam wow slaitbor ya kawi ka khynnah ha i chnong wa em ha khappood
Discussion about this post