Ki pulit ka West Garo Hills Police da pyntip ki wa ynne ka sngi uwi u bru uwa na West Garo Hills, da chah rah yabor u na Goalpara District, Assam ynne i step da ki damok wa rah tiar pynmynsoo heiwa da ye wow pynlait ya oo na thaaiñ Gaptuli Reserve Forest kawa haap hapoh ka Tikrikilla PS da ki Special Ops Team wa yahkhmat da u SDPO Dadenggre deilang wa ki pulit ka Phulbari.
Ya uni u bru da ye wow pynlait hadien wa yoh yaki yutip wa tikna heiwa da kem leh nyngkong ya uwi na kini ki damok na ini i thaw heiwa da chem leh yaki tiar ki tar wa pynemkaam ki wa kiwi de ki sabut.
Hadien ini da kem leh sa 3 ngut ki damok wa emkti ha ini i kaam deilang wa artylli ki kari deiwa yarap ki pulit ka Ri-Bhoi wa West Jaiñtia Hills.
Ki pulit da pyntip ki leh wa ka takit dang lai ko chakhmat yow kem sa ya kiwi kiwa emkti ha ini i kaam heiwa yaka takit da pynman daka Tikrikilla PS.
Neiliang ki pulit ka West Garo Hills Police da kyntu ki yaki paidbah wow e yei yarap deiwa pyntip cha ki pulit lada tip iyi iyi lane lada yoo ki iyi iyi wa phær wa suba ki toh ki kaam pyrchah yaka aiñ.
