Nongpoh: Ki pulit ka Khanapara, Ri-Bhoi District ynne ka sngi da yoh ki wow kem noh ya uwi u bru uwa chah pynbaad wa slaitbor u ya kawi ka khynnah wa dang 6 snem i rta kawa man leh ka pyrsa yong oo. Uni u bru uwa chah pynbaad da tip pyrtuid kam u Gopal Chettri, 24 snem i rta wei uwa sah ha ka dong Hatimar kawa haap hapoh ka chnong Umlangpur, Ri-Bhoi District.
Ya u Gopal da e kti noh ha ki pulit da u Rangbah Shnong ka Umlangpur, u Kitbor Khongiong deilang wa u ma u Gopal u Rahul Chettri. Hadien wa ka chnong yoh yutip ko yei jia chah thombor ka khynnah, da chimkhia ki, kamjooh neiliang ka HANM Women’s Wing hadooh wa uni u bru da wan e kti u pyn da oo ya oo hi ha ka chnong wei neiliang ka chnong won da e kti ko ya oo cha ki bor ka aiñ.
Katkam ka yutip wa da yoh, u pa yong ka khynnah da ujor u pyrchah ya u Gopal Chettri hajrong ka yurim wa da ksohbor u yaka khon ha ka sngi thohdieñ yong ka tayaw wa da dep ha ka yung sah yong ka, tangwa neiliang u Gopal hawa takit da kyntait wa da leh u ya ini i kaam.
Discussion about this post